المشاهدات: 1725   المدة: 6:23   الدقة: عالية
التصنيف: صوتيات دينية   الكلمات الدلالية: حسين فيصل، Zahraa Al obaidi
تعليق بواسطة ღ عِشق ღ
رواية البچي بالاخبار
بشراكم ياعاشقين
لا ماتمسها باچر النار
عينٌ بكت على الحُسين
1
دمعة العاشگ غالية هل تعلمون
شنهو قيمتها فسألوا أهل الجنون
على الغير الدمعة محد إلها يهتم
بس على حسين الله جاعل سرها مُبهم
اغلى دمعه الشايله ريحة مُحرم
اشگد زغيرة لاچن اتطفي جهنم

وشگد زغيره وتمحي الذنوب
قد طهرت كل العيوب
حسّين فوگ الدمعه مكتوب
إنا إليهٍ راجعون

"رواية البچي بالاخبار
بشراكم ياعاشقين
لا ماتمسها باچر النار
عينٌ بكت على الحُسين"
2
ماكو من مؤمن استعبر وزاد البُكاء
الله يكتبله عبدي خُذ مما تشاء
عن رسول الله وي فاطم كلامه
كل عينٍ باكية يوم القيامه
إلا عين الي بچه دم لإمامه
تفوت ويه حسين للجنه ابسلامه

يوم الحشر طه يلاگـيه
مستبشر العيون جاء
ياصاحب الدمعه يحاچيـه
اشم فيها كربلاء

"رواية البچي بالاخبار
بشراكم ياعاشقين
لا ماتمسها باچر النار
عينٌ بكت على الحُسين"
3
كل جزع مكروه ينروي يامؤمنين
الجزع محلاه من يكون اعله الحسين
ليش نبچي الرضا گال وحزنه فسر
مثل ذبح الكبش ذبحوا ابوالاكبر
ابدمعه لو چانت ذبوبك جبل واكبر
الله يغفر ماتقدم ماتأخر

إن سرك ابـ هالدنيا ترتاح
زُر جدنا يبن شبيب
تدريها بالطف حته الرماح
صلت على الشيب الخضيب

"رواية البچي بالاخبار
بشراكم ياعاشقين
لا ماتمسها باچر النار
عينٌ بكت على الحُسين"
4
اترك الدنيا واتبع اسياد العقول
عالبچي ودمعك إنما الصادق يقول
من بكى أو تباكى عدنا اجره
فـلهُ في الجنه يبني الله قصره
النزل راسه للحسين ايعلي قدره
وألف هنياله التجي الزهره وتشكره

العباس بيده ايشربه الماي
اشرب هنيئاً كلمه
ايگلها عليه فضلچ اهواي
شُكراً جزيلاً فاطمه

"رواية البچي بالاخبار
بشراكم ياعاشقين
لا ماتمسها باچر النار
عينٌ بكت على الحُسين"
5
اللطمة بالمجلس بيها عالضامي يذوب
لاچن الدمعه عدنـه من تقوى القلوب
اشلون مانبچي عليه العين تعمه
ماكو بقعه ابكربله مابيها دمه
موفقط ثوبه وصل للخيم عظمه
الخيل ساحگته الحوافر من يلمه !

ينهض ولاچن يرجع ايطيح
يرى النساء في الخباء
اللحظه الأخيره اودمعته اتصيح
وا زينباً وا زينبا

"رواية البچي بالاخبار
بشراكم ياعاشقين
لا ماتمسها باچر النار
عينٌ بكت على الحُسين"
6
حسين مأوانه والبچي ليه الأمان
محله دمعتنه ويه صاحب الزمان
على جده المهدي دم دمعاته بالعين
على البكائين صاح اهل الدمع وين
سدد ابدمعك لابو الأكبر شكو دين
البيه خير ابدنيته يبچي على حسين

گلبي دُعائه يا إلهي
بكل جُرحٍ قدسه
ابجاه الحسين وإنتَ جاهي
أدم علينا مجلسه

"رواية البچي بالاخبار
بشراكم ياعاشقين
لا ماتمسها باچر النار
عينٌ بكت على الحُسين"
____________________________
كلمات الشاعر: حاتم صبري الكاظمي