المشاهدات: 1725   المدة: 11:46   الدقة: عالية
التصنيف: صوتيات دينية   الكلمات الدلالية: مرتضى حرب، Zahraa Al obaidi
تعليق بواسطة ღ عِشق ღ
للقيامة قيام .. نزل عم الخيام

.. ١ ..

عباس نوصف شكله .. ع الخيل لمن يعله
ع الگاع وتخط رجله .. بهيده .. بهيده
من السيف ابشط عينه .. چفات صگر حسينه
ويصيد وينه وينه .. بأيده .. بأيده
اتمنه يحط الماي وجوده مو حرب الوادم
وازوه الجانو بي غشمة ومابيهم فاهم
همة الرادوها ودگ جدمه وتتحمل لازم
گللهم محشر عد الله ومحشر عد هاشم
صگر حاصر حمام .. نزل عم الخيام
للقيامة قيام .. نزل عم الخيام

.. ٢ ..
عباس واهس مهرة .. ع الخيل شمر خزره
الوكحات صارن فقرة .. لغاية .. لغاية
الهيل طاعت رايه .. المشور منها هواية
فرسان لو مشابه .. احجايه .. احجايه
تحنف خله الخيل وتمشي وذبت مابيها
الموكدها شماله ويتخيل متوازي عليها
مشاهم سايگهم بيده وهو بتاليها
صارت مثل المر ع الحومة يا حي راعيها
خذت يمه احترام .. نزل عم الخيام
للقيامة قيام .. نزل عم الخيام

.. ٣ ..

عباس شارب حيدر .. من الموت متر منكر
قباض روح العسكر .. بكيفه .. بكيفه
قانون يمشي ولازم .. عباس وحده الحاكم
مغتاض حاجة الوادم .. بسيفه .. بسيفه
حاسبهم وين الصد عينه وعاين لخيامه
مايحجي لسانه ويه العالوا حجيه بصمصامه
هاكد ما عالي ويتعلى طگته اعله العامة
اليشرد من رعبه يرد يمه ويوگف جدامه
حلم صار السلام .. نزل عم الخيام
للقيامة قيام .. نزل عم الخيام

.. ٤ ..

ملاج والحد بيده .. والخير الله يزيده
تمر بيه عميه الصيده .. دونه .. دونه
مشهود بس اليومه .. يشوفون ضحك البومه
عباس ايه گومه .. عيونه .. عيونه
وجه الجيش اصفر والحومة من حده عينه
قحط بيها النسمه تقحط خانگها ايمينه
السوگ اليصنع سيف ودرگه ليش معزلينه
حط شحه بتعداد الكوفه الشاريهن وينه
نقص رقم الانام .. نزل عم الخيام
للقيامة قيام .. نزل عم الخيام

.. ٥ ..

عباس مر عناده .. سلاب حيل القادة
محتوم يمشي الراده .. بزوده .. بزوده
لا حيل خلو حيله .. ع الخيل ريس خيله
ما مار بيها العيلة .. حدوده .. حدوده
الشارد خل اهله اينشدونه رگبتج مجيوسه
المذبوحة بجف سياف الله بگد المخلوسه
ما مستور ورد مايدري طايح ملبوسه
ياهو يلم عاره من الحومة ويرجع ويدوسه
برق سيفه انتقام .. نزل عم الخيام
للقيامة قيام .. نزل عم الخيام



كلمات : احمد اللامي