المشاهدات: 421   المدة: 5:23   الدقة: عالية
التصنيف: أشعار وقصائد
تعليق بواسطة عضوية122513
سمير صبيح : ( ليش يا بغداد ) 2007
Sameer Sabih : (lysh ya baghdad) 2007

كلمات:  الشاعر سمير صبيح
 social media management : مرتضى الحمامي

الكلمات:

عمت عيني عليج وليش يابغداد
مو جنتي على ليلج هذا محسودة
ماشوفج مدينة وضاوية وتزهين
اشوفنج نذر للموت مكيوده
ودجلة بيا وجهه للخضر تهدي اشموع
اذا صارت جرح عل كاع ممدودة
وسكتتنه صليب وصرتي عيسى عليه
اغسلي ايدج بعد تبقين مشدودة
لان ريح الحقد نشف اهواي اكلوب
وثكَل كلش حقدها وحيل مهدوده
بس باب الحوائج باقي والنعمان
وبقيت البوب كلها بخوف مزدودة
امام بكل جرف مثل العلم مرفوع
وشاهدنا الجسر عل الخوة موجودة
وشدينه الجرح ونكَطع حبل الخوف
ونشفنه الدمع ونسدت العبرة
بعد ما ننطي لزمة انظم ملح بالماي
ميزنه الحروف وضحت الجفرة
ما نغلط بعد ونصير مثل الخيط
اتحطنه عله الفتكـَ وتعوفنه الابرة
عود احنه ويبس منصير ماشة نار
موبينه الحفر والغيرنه المجره
تجوينه نعم نكَطع هواهه اتموت
كافي اظل عمر بجفوفنه الجمرة
وحلمنه الليل يصلب والخمر والطير
والف يوسف اجانه ومحد يفسره
مانعرف مشينه وياهم امغمضين
دفعونة وكَعنة وغطو الحفرة
والجفه طول مدهه وطلع ورتاح
وبو النفس العزيزة لهسه بالنكَرة
ردت صوتي امس توعدني بالتفاح
وصلت المنصبك تحجيلي عل الخضرة
نفس الفائدة الموجودة بالتفاح
بس هاي بحَـمَار وهاي لا خضرة
كافي أضم عـَلي أعرف شنو اليصير
سيل الدم اعرفه وياهو ليفجره
وانا الميت اعرفه واعرف الدفان
اشوكت ماريد اروح واوصل الكَبره
وكافي من العتب ونلومها من اطيح
على الفاسة اشبديها ونحجي على الشجرة
ولا ذنب النهر لو عكس مجرى الماي
الكَاع اتصير رخوة ويعكس المجره
وخد الينسطر شتفيدة تبجي العين
اشما صَبت دمع ماتنفع السـَطرة
وبيه اشكَد عتب وشكد ملامة وحيف
على الدمع البجيته وماطفت حسرة
على الردلي تبختر لا فرس لا سيف
ويحجي بكل رهاوة وطعنته بظهرة
على اليوكع فريسة اشلون يغفة الليل
ينام بيا وجه وذياب التنطره
مثل شذرة الكرامة ومحبس الانسان
وبيها اشكَد محابس ذبت الشذرة