الشاعر : إيهاب المالكي
------------
علي من مات ظل مستاحش الليل
والكون ارتبك واتحير أمره
بجت دم عينه بالتشييع جبريل
لحد ماصارت جناحاته حمرة
--------------------------------------١
كل شي بهذيج الليلة بي موت
كل خطوة جدم جواها عثرة
بصوت الريح تسمع ينعى رادود
البلابل مقتل على الشجره تقرا
فز النوم بصياح الفوانيس
طاحت من صداها بحضنه جمرة
امان الدنيا شارد يلتفت خوف
لأن ما يعرف إلمن ينطي ظهره
--------------------------------------٢
مشى كل شي ويا ابو الحسنين جناز
وتوقف نظام الكون فترة
موكب للهوا وموكب ندى وغيم
موكب للورد من دون عطره
قلب المشوا بالتشييع مكسور
اثر خطواتهم عالقاع عبرة
الما تلقى على ظهره آثار زنجيل
اكيد براسه تلقى آثار طبرة
--------------------------------------٣
النعش لمّن طلع من عتبة البيت
بقت من عين زينب فوقه نظرة
علي بإحساس زينب تارك آثار
زارع للمحنه البيها بذرة
على ريحة جفه تشتم قبضة السيف
على صوته البالهوا تدورلها نبرة
ومصلايته المفروشة بالبيت
ما لمتها قالت تبقى ذكرى
--------------------------------------٤
علي من دونه ما تتخيل الليل
ليلة من الصعب تحويها فكرة
مر فصل الخريف بكل شي بي روح
بحيث الدنيا صارت كلها صفرة
كأنك راح تسمع نفخة الصور
الجبال ابتدت توقع صخرة صخرة
العالم كله صار بزاوية موت
بقت بين النهاية وبينه شعرة
--------------------------------------٥
علي راح ومكانه الخالي موجود
ترك بعيون اليتانونه ثغرة
علي راح وبقت محتارة الايتام
لأن بين اليتامى وبينه عشرة
بنوا بآهاتهم قبة ومنارات
وبدمعاتهم سووله حضرة
ظلوا مثل زينب عقب الحسين
بس اليختلف ماراحوا اسرى
--------------------------------------
المزيد من المقاطع بواسطة عمار الوائلي
------------
علي من مات ظل مستاحش الليل
والكون ارتبك واتحير أمره
بجت دم عينه بالتشييع جبريل
لحد ماصارت جناحاته حمرة
--------------------------------------١
كل شي بهذيج الليلة بي موت
كل خطوة جدم جواها عثرة
بصوت الريح تسمع ينعى رادود
البلابل مقتل على الشجره تقرا
فز النوم بصياح الفوانيس
طاحت من صداها بحضنه جمرة
امان الدنيا شارد يلتفت خوف
لأن ما يعرف إلمن ينطي ظهره
--------------------------------------٢
مشى كل شي ويا ابو الحسنين جناز
وتوقف نظام الكون فترة
موكب للهوا وموكب ندى وغيم
موكب للورد من دون عطره
قلب المشوا بالتشييع مكسور
اثر خطواتهم عالقاع عبرة
الما تلقى على ظهره آثار زنجيل
اكيد براسه تلقى آثار طبرة
--------------------------------------٣
النعش لمّن طلع من عتبة البيت
بقت من عين زينب فوقه نظرة
علي بإحساس زينب تارك آثار
زارع للمحنه البيها بذرة
على ريحة جفه تشتم قبضة السيف
على صوته البالهوا تدورلها نبرة
ومصلايته المفروشة بالبيت
ما لمتها قالت تبقى ذكرى
--------------------------------------٤
علي من دونه ما تتخيل الليل
ليلة من الصعب تحويها فكرة
مر فصل الخريف بكل شي بي روح
بحيث الدنيا صارت كلها صفرة
كأنك راح تسمع نفخة الصور
الجبال ابتدت توقع صخرة صخرة
العالم كله صار بزاوية موت
بقت بين النهاية وبينه شعرة
--------------------------------------٥
علي راح ومكانه الخالي موجود
ترك بعيون اليتانونه ثغرة
علي راح وبقت محتارة الايتام
لأن بين اليتامى وبينه عشرة
بنوا بآهاتهم قبة ومنارات
وبدمعاتهم سووله حضرة
ظلوا مثل زينب عقب الحسين
بس اليختلف ماراحوا اسرى
--------------------------------------