المشاهدات: 1013   المدة: 4:24   الدقة: عالية
التصنيف: صوتيات دينية   الكلمات الدلالية: احمد الساعدي، Zahraa Al obaidi
تعليق بواسطة ღ عِشق ღ
عالمـوعد مشه ابـوكتـه
راح وبـاس راس أختـه
أخذ روح الفواطم من أخذ جـوده
سلّم عالحرس وابـعد
صار الظـهر لونه اسود
مشه واثق الخطوة ايوافي بوعوده

مشه وعيونها ابظهره
رافع رايته الخضره
ماطبت الخيمتها بقت
بلباب تنتظره
وصل بس ذبحوا اسنينـه
عمت عيني عموا عينـه
ماجابن الماي اوياه
ترك عـالنهر چفينه
گلب زينب گلب يعلم
أم واخت للكافل
شالت راسها اوصاحت
طبروا راس ابـوفاضل
درّت قبل الخبر طايح
اوطاحت من بواچيها
للعباس زينب عيـن
بس طبْ السـهم بيها

وعدها وگطعوا انفاسه
اخوها وتعرف احساسه
" لوبيده يجيـب الماي لو فوگ الرمح راسه"

عالمـوعد مشه ابـوكتـه
راح وبـاس راس أختـه
أخذ روح الفواطم من أخذ جـوده
سلّم عالحرس وابـعد
صار الظـهر لونه اسود
مشه واثق الخطوة ايوافي بوعوده

وگفت من وگف عمره
بدت تتـذكر العشره
"الله ايعينها العـدها مثل عباس وتخسره"
بدت تسترجع ايامه
تلم بيهن كسر جامه
چان امنيتها اتروح
كون اتطيح گدامه

تتذكر قبل من چان
مشغول ابكـفالتها
يوديها الحـزن للغيم
ويردها اعله خيمتها

إذا ونت وإذا حزنت
وإذا بيّنت مكسوره
"وإذا بعده تريد اتموت اخت عباس معذوره"
بسمها من يصيحوله
اخـو زينب يگوله
"ضل ابعينها الكافل جبل ماطاح من طوله"

عالمـوعد مشه ابـوكتـه
راح وبـاس راس أختـه
أخذ روح الفواطم من أخذ جـوده
سلّم عالحرس وابـعد
صار الظـهر لونه اسود
مشه واثق الخطوة ايوافي بوعوده

كلمات والحان "علي الدلفي "

1443