المشاهدات: 8266   المدة: 14:38   الدقة: متوسطة
التصنيف: صوتيات دينية   الكلمات الدلالية: مرتضى حرب، Zahraa Al obaidi
تعليق بواسطة ღ عِشق ღ
ريضولي يالتسبوني
و من ناگتي نزلوني
ويم النهر خلوني

وينه عباس....

خليني اشوفه اشلونه
أشسوه السهم بعيونه
ماريد أعاود دونه

وينه عباس...



وادي الخذك من عندي لا ماعوفه
وليهسه يمه وهيچ احاچي اجروفه
هاك اخذ روحي ورد لاخوي اجفوفه
اعيوني اشتهته ومني يردن شوفه


غالي واريد الغالي
صار النهر چتالي
ويكشخ ابروحه اگبالي

وينه عباس...

ضاگت الدنيه بيه
جار الزمان اعليه
وسفه ورحت مسبيه

وينه عباس....

********************

بين الصوايح گمت ادور صوتك
وليهسه ماعفت النهر من موتك
يابوالمروه اليوم اريد امروتك
الخوه طاحت گوم والحگ خوتك

اختك واحلفك بإختك
گوم الحگ الربتك
عايفني يالما عفتك

وينه عباس....

عايفني بالمآسي
يم ناس ابد موناسي
خويه السباني قاسي

وينه عباس....

********************


صعبه الحياة ابلايه وجهك صعبه
عطشانه اجيتك كافي من الغربه
يم النهر بس مايه لا ماشربه
ما استلذ بالماي إلا ابجـريه

عطشانه لتخليني
رد جربتك وارويني
ميته وردت تحييني

وينه عباس....

ياخويه بايوفاضل
آنـه اندبك كافل
رچبوني عالمحامل

وينه عباس....

********************

ابچي واحس الدمعة ماتكفيلك
تاكل ابروحي الخطوة من امشيلك
بيه حچي بس مالي حيل احچيلك
حيل وصبر ينراد حته اشكيلك

انته الخذت كل حيلي
يالجنت واهس ليلي
من عييتك ياويلي

وينه عباس....

بعدك شسوي آني
بسوطه الشمر اجاني
واسمع صرخ باذاني

وينه عباس....

********************

ماعيش دونك يالمتت من دوني
تكشخ صفت بالسوط خويه امتوني
بعدك الدنيه ما حلت بعيوني
وسفة الغريبه گاموا ايسموني

وآنه اختك وتدريها
حيدر علي امربيها
هيچ انهضم تايها

وينه عباس....

ونه تجر ابونه
والنفس ماجرنه
شال وخذه المحنه

وينه عباس....

******************************

كلمات ~` الشاعر وسـام السـودانـي ~`

******************************

كتـابةة~`Zahraa Al obaidi