المشاهدات: 2020   المدة: 26:17   الدقة: عالية
التصنيف: صوتيات دينية   الكلمات الدلالية: باسم الكربلائي
تعليق بواسطة ❀ Bookworm ❀ ❦
طفل رسام .. راسم جزيرة
وبدون خيام .. شمس العشيره
راسم خضار هواي
وبكل مكان الماي
فوگ الرسوم فياي ‏
شمس العشيره
.......................
طفل راسم الطف وسارح خياله
مدري شلون شايل كربلا اباله
اصد الـ لوحته ما بيها خياله
اظن شاف الخيول تصير چتاله
ما راسم حسين الما بشر شاله
راسم ذهب طايح محد ابحاله
لوحته الوان .. ما عدها ناصر
فقط نسوان .. ضدهن عساكر
بس ما رسم حواف
ولا دنگن الاجتاف
بيها علي ينشاف
شمس العشيره
.......................
الـ بالطف طشرون الما مطشرهن
طفل من غيرته بالرسم جامعهن
عبايه ابصف عبايه بغيره راسمهن
زينب يم زينب من رقيه ما تميزهن ‏
مثل عباس ما طلع خيال الهن
بحيث بلوحته اموت الشمر يمهن
عليهن خاف .. من الشماته
رسم اوصاف .. تشبه خواته
ما خله شي معروف
ميت عليهن خوف
مثل الصگور اتطوف
شمس العشيره
.......................
لا خيمه ولا رايات لا خوان
وحتى بلوحته مأكد على النسوان
بألوانه نصرهن بأضعف الايمان
راسم سود اميه وابيض الدخان
ما راسم رمح ويشيله چف شيطان
صعبه ايشوفها ايحط عالرمح قرآن
رسم خيال .. لابس عمامه
وراه الاطفال .. كلها بسلامه
راسم سهم مكسور
يم الشريعه طيور
فوگ العيال اتدور
شمس العشيره
.......................
طفل مجنون ما يرضه الخدر ينداس
امبين يرسم وگاعد يوزع انفاس
من گد غيرته راسم رسم بإحساس
مخلي بكل فراغ چفوف ابو النوماس
راسم جيش ميت كله راس براس
وراسم سيف فوگاه ريشة العباس
شفت باحساس .. راسم حنينه
رسم عباس .. شابگ سكينه
ينطيها من الجود
ما بيها شي الزنود
والتشكر المعبود
شمس العشيره
.......................
ابطارف ريشته راسم الدنيا ارماح
وجوه اجدام زينب راسم الها اجناح
راسم نهر ما بي گطره للملاح
وراسم جود يجري اسنين للفلاح
ما راسم رضيع امدنگ السفاح
راسم غيمه بيد اطفالهم تنلاح
جرح ما صار .. شفته باللوحه
بقت تذكار .. بيها حط روحه
لوحه ترد الروح
ما بيها شي مذبوح
ولا بيها شي مجروح
شمس العشيره
.......................
بآخر نظره اشوف الرسم يتبدل
طاحت دمعة الرسام على المحمل
يمسح بالرسم وبدمعته مبلل
يگول ابعيني طايح وين المدلل
درب الشام جتى بالرسم يطول
الله يعينها الراحت على الهزل
يگل للطاح .. شلته بديه
رسمتي راح .. ادفنها بيه
لوحه بگلب صندوگ
ما تنعرض بالسوگ ‏
بيها گلب محروگ
شمس العشيره
.......................
هاي اللوحه بيها الماي متبدي
مثل عبدالله من يطلب حلم وردي
ليش تلومني لو طينت خدي
غير حسين دور كلشي ما عندي
رسايل هاي للواگف سهم ضدي
اريده يشوفها من يطلع المهدي
الي ثارات .. يالتنطي بيه
بعد هيهات .. ايدك بديه
باجر وراك حساب
من الخيم للباب
بعده الجرح ما طاب
شمس العشيره
_______________________
للشاعر | حسام الحمزاوي