المشاهدات: 911   المدة: 16:54   الدقة: عالية
التصنيف: صوتيات دينية   الكلمات الدلالية: محمد الجنامي قصيدة ضيعوني وضيعتهم
تعليق بواسطة علي الواسطي
راحو الما ودعتهم ، ضيعوني وضيعتهم ، من بعد حرق المخيم ،
ظلم الليل وردتهم

انه أخيتهم حميده، وضاعوا أخواني من إديه
من بعد حرقة خيمنه، ثنينهم تاهوا سويه
ودورتهم بس شفتها، امدخنه كل الغاضريه
اثنين والطف اعله كبره، ضيع اعزازي عليه
ضاعوا ابوسط الصحاري
وبين ابروحي انكساري
وصدري بمهمومه تهشم
راحوا وجرحوا اختهم

راحوا وما ودعتهم، واحنه جنه بروح وحده
اشلون انام ابلايه اخوتي، والأخو فراقه شيسده
ليش رمشة عين راحوا، عني بس ابلايه رده
طلعوا اتماشو عطاشه، وكلمن السطره اعله خده

تيهت خطوة مشيهم
ومحد يدليني بيهم
والضرب مابينه يرحم
وين صاروا ماشفتهم

تيهوا بس حيروني، اثنينهم لجروحي لجمه
ظلمت والدنيا صارت، عاليتامه كلها ظلمه
اثنينهم فد طلعه طلعوا، والشمر ماعنده رحمه
ويا طفل كدامه يوكف، يشمر السوط إعله جسمه
امن السياط الفوك اهلنه
فروا وتركوا شملنه
ومن مشوا حيلي تهدم
راحوا وما تابعتهم

زغار والدرب المشولة، خوف ومتابع أثرهم
وجنه بي ذباح واكف، بيده سيف وينتظرهم
وخوف بس لا سبك الهم، وما رحم دمعه زغرهم
وانه خواني يتامه، والذبح مو كد عمرهم
راحوا من ايدي اليتامه
ومايردون ابسلامه
والتعب بيهم تحزم
والمنيه جن خذتهم

خوفي إبن زياد ينطي، جائزة للي يحظي بيهم
وخاف كل الكوفه تطلع، باجر اتدور عليهم
ولو بجوا مو يمهم اهلهم، محد اليرحم بجيهم
وخوفي بس لا سامح الله حطوا احبال ابإديهم
ليل ومضيعه صبحهم
وانجرح قلبي بجرحهم
عذبوني البيهم أحلم
وسامحوني وسامحتهم
.....
كلمات الشاعر : محمد العقابي