المشاهدات: 47310   المدة: 15:31   الدقة: عالية
التصنيف: صوتيات دينية   الكلمات الدلالية: مرتضى حرب، Zahraa Al obaidi
تعليق بواسطة ღ عِشق ღ
صاح الگمر .. والله الستر
ظل يرتجف .. حته النهر
اتبسم حسامه .. هوسوا عمامه
من الهاشمي .. وين المفر
صاح الگمر .. و الله الستر
..............

وينه اليزامط صاح عم اسكينه
ياهو اليطب من نعگد اچفافينه
اتحزم ابسيف وعالخيم فر عينه
متبسم ومنتچي شاف حسينه

دگ صدره .. وبالخضره .. شد راسه
البسماها .. چواها .. من انفاسه

وبرايته .. ايمش گصته
كلما عرگ .. من غيرته

طوله اشحلاته .. مدلل خواته

يتفسه .. أحد ماگدر
صاح الگمر .. والله الستر

.................

حط بيرغه ابظهره وچنف ذرعانه
حي الله بوفاضل تگله إخوانه
باس الحسين ابگصته العرگانه
گـله الشمر ماشيله أگص السانه

يضحكله .. ويگله .. غير انته
اتنومس .. واتونس .. لو شفته

گـله آنه حي .. ذبـهن علي
يحسين .. اضمك بالصبي

والله من اطبها .. چفيتي اضبها

هذا الجمع .. گول انكسر
صاح الگمر .. والله الستر
...............

شافوه فارس ظل يگل الفارس
هم انته مثلي اليوم ريجـك يابس
عاين وماشاف اليسوي واهس
وتوسط الملعب درع ما لابس

الخياله .. من اخياله .. مرعوبه
خضعوله .. وگلوله التوبه

العاين عله .. عينه ابتله

من خزر مالك .. علعله

زلمه اليخزره .. مثل اليطبره

واشجعهم .. ابظله عثر
صاح الگمر .. والله الستر

....................


اختاض وعليهم فتح عينه الخضره
وخله الظفر من اللحم يتبره
زلـمتهم الـ بالحرب خلص عمره
تاهت عليه اليمنه من اليسره

وجر ذانه .. وگـال آنه .. من عدهم
متبري .. وكل عمري .. ماحبهم

الظل ماشرد .. دمه جمد
حدر الفرس .. ماله لبد

وشيخ الحرايب .. گض الشوارب

صوب الخيم .. فنه العبر
صاح الگمر .. والله الستر

.........................

من الخيم أشر حسين ابچفه
گلاله حي الله الجربته ابچتفه
اشتاگيتلك رد يبو روح الترفه
الدنيه كلها ابچفه وانته ابچفه

وعباسه .. هز راسه .. و رد يمه
حسين اشتد .. عزمه وهد .. من شتمه

وهـدو سوه .. حته الهوه
بصدورهم .. طب وانچوه

ولن علي الاكبر ماصبر
صاح الگمر .. والله الستر

....................

هد الاكبر وطلعن ورا عماته
وزينب بديها چنفت اردانته
گلتله ابوك امحزم ابشيباته
وعمك الدم خلا صبغ ريشاته

من اطب .. عمه اگلب .. ملعبهم
واتبختر .. واتخير .. قادتهم

واتگابلوا مگبل حلو
وروس الثگال اتخيرو

خلو حرمهم .. تتبره منهم

وذكروهم .. ابفارس مضر
صاح الگمر .. والله الستر

....................

كلمات واداء - مرتضـى حـرب