المشاهدات: 2033   المدة: 9:11   الدقة: عالية
التصنيف: صوتيات دينية   الكلمات الدلالية: باسم الكربلائي
تعليق بواسطة ســـــجـــــودي ﹩ʝ☹
قصيدة : صاح الحسن
للشاعر : سجاد علاء المحمداوي
المناسبة : رثاء الامام الحسن (ع) - ليلة 6 صفر 1440 | آل بلاغي
طور : #جنازة_غريبة

صاح اِلحَسَن ودموعَة مَذروفـة
شِيلُوا اِلطَشِت لازينـب إِتشوفـة
*************************
شِيلوا الطَـشِت يَحبابِي من عِندي
شِيصَبُر إختِـي اُو هالگِـرَبّ وعدي
ماتـحِتِـمِـل لــو شـاهِــدَت چَبـدي
وإعّـلَيَـــة أدري اِهــــواي مــلهوفة
***************************
مفجوعــة زينـب بية مـفجوعــــة
يمكــن بـَـعَـــد ماشايِفَــة اللوعــة
اِتشوف اِلحُسين اِمهَشِمَة اِضلوعة
مِن كِل جِهَة اِسيوف العدو إتحوفة
***************************
لو هسة زينب بيـة مــحــتــارة
باچـــر مُخَيَمّـهَــة يِشِب نـــارة
إيقَدِم گُمَرهة إيـمِينة وإيسارة
اِلكافل لأجلهة اِيضحي بإچفوفة
**************************
ايِساعِد گلُبـهَــة اِلعــاش يِتعذَب
يايوم زينَـب مـَرهَـة مــا تِنحـــب
بـاچر خِــدرهة وسفة يِــتسَلَــب
مَسبِية زينب تِدخِل اِلكوفة
************************
وين الزمــان اِيـريـد بيهة اِيـدور
والفاگِدَة إتعِيش إبجِنح مكسور
مَرة چبـــد مَــرة تِشوف إنحـور
حَگهَة الدمع ماتِگَدَر اِتعوفة
*************************
حَگهَــة الدمع هُوَة اِليسَلِيهَة
باچــر تِشاهِــد روس أَهاليهة
فوگ الرماح اُو شِمِر يِسبِيهَة
والعَسكر إيحاوِطهَة بإصفوفة