المشاهدات: 1271   المدة: 22:09   الدقة: عالية
التصنيف: صوتيات دينية   الكلمات الدلالية: مرتضى حرب، Zahraa Al obaidi
تعليق بواسطة ღ عِشق ღ
اكبر بنينك لو رحل
شيسوي بالروح .. شيسوي بالروح
من ينحسب أكبر جرح
مابين الجروح .. ما بين الجروح

عايفني علي .. بويه
بعدك أبتلي .. بويه
شيسوي بالروح .. شيسوي بالروح
_____________________________

كل أبو يحس ابشعوري .. ابني الاكبر بي سروري
وافتخر بي .. افتخر بي
هو گلبي وهو دمي .. هيبتي ويشيل اسمي
وروحي اسمي .. روحي اسمي
صرت اعاين بيه روحي .. ضامه الساعة جروحي
من اباريه .. من اباريه
دوم ارفع لله ايدي .. ربي احفظ علي وليدي
ربي يحميه .. ربي يحميه

من ينجرح انه انجرح 
وبنفس الإحساس .. وبنفس الإحساس
لمن كبر صارالي اخو
وي عمه عباس .. وي عمه عباس

كلشي صرت الي .. بويه
بعدك ياهو الي .. بويه
شيسوي بالروح .. شيسوي بالروح
____________________________

بيه معروف ارتباطه .. بيّنه ماكو وساطه
الورد والياس .. الورد والياس
حاسبه أخ وحسبني .. ردت اصيحن علي يبني
وصحت عباس .. صحت عباس
هواي فرحان بوجوده .. بلايه وجهه الدنيه سوده
اتشيب الراس .. اتشيب الراس
من اختنگ من نحره اشمه .. گلبي يشبه گلب أمه
نبض الإحساس .. نبض الإحساس

لو شفته مرتاح الولد
من يمي ارتاح .. من يمي ارتاح
ولو راح عن عيني احس
نبض الگلب راح .. نبض الگلب راح

ياشمعة هلي .. بويه
بعدك ابتلي .. بويه
شيسوي بالروح .. شيسوي بالروح
____________________________

وجه ابوي ووجه جدي .. بعلي الاكبر صفو عندي
چنهم وياي .. چنهم وياي
الهادي چنه بالمعاني .. علي وليدي علي الثاني
والحچي هواي .. والحچي هواي
شمحله ابويه العلى اشفافه .. خشن بس يحچي ابترافه
وكاسر فياي .. وكاسر فياي
هوَ هيبة وعالي هامه .. يمي من گد احترامه
يگلي مولاي .. ايكلي مولاي

بهداي لو سولف علي
مايرفع الصوت .. مايرفع الصوت
لكن بالمزامط شهم
ويخوف الموت .. ويخوف الموت

الهمّ ماينجلي .. بويه
بعدك ابتلي .. بويه
شيسوي بالروح .. شيسوي بالروح
____________________________

مرّ عليه وگال اودعك .. گتله شنهو مااسمعك
وسمعت زين .. وسمعت زين
گال رايح بويه عنك .. بس اريد اهواي احضنك
حضنة البين .. حضنة البين
گتله تعرف شنهي تمشي .. يعني راح ايروح كلشي
روحتك وين .. روحتك وين
لمن تطلع روحي تطلع .. مو عجيبه لمن تسمع
مات الحسين .. مات الحسين

خل اوگف اگبالك وأون
واحنيلك اضلوع .. احنيلك اضلوع
نتشابگ ونوگع سوه
فوگ الثره ادموع .. فوگ الثره ادموع

دم دمعي يهلي .. بويه
بعدك ابتلي .. بويه
شيسوي بالروح .. شيسوي بالروح
____________________________

طلع وانه الزمت گلبي .. حته ضاع ابعيني دربي
گمت ماشوف .. گمت ماشوف
بالخبم ناديت ليله .. رفعي ايدچ واندعيله
بگلب ملهوف .. بگلب ملهوف
راح ابني الگاع خطره .. وحده والگوم كثره
وبين السيوف .. وبين السيوف
ادعي لأبنچ يم الاكبر .. ابن غانم يمه يفتر
وهذا معروف .. هذا معروف

بكر ابن غانم وي علي 
ومگابل اليوث .. ومگابل ليوث
ماشوف بس اسمع زلم
صيحتهم الغوث .. صيحتهم الغوث

ادري ابني معتلي .. بويه
بعدك ابتلي .. بويه
شيسوي بالروح .. شيسوي بالروح
____________________________
عوداك
علي بويه شيصير ابحال .. عوداك
وهوَ اعلى الدلال ابعطف .. عوداك
يعافيتي انحصد من وكت .. عودك
گبل مايكسر افيايك عليه
____________________________

وادري معتلي .. بويه
بعدك ابتلي .. بويه
شيسوي بالروح .. شيسوي بالروح

____________________________

رد عليه وگال اجيتك .. فايز ورايد هديتك
بويه عطشان .. بويه عطشان
گتله اهلاً يامراحب .. وهوسوا كل الغوالب
علي ربحان .. علي ربحان
گرب السانك عليه .. واخذ يوليدي الهديه
ويابس السان .. يابس السان
وادع امك يبني ورجع .. للحرب نادوك أسمع
والوعد حان .. الوعد حان

هالروحه صارت تختلف
عن ذاك الوداع .. عن ذاك الوداع
هالمرة يوليدي الحزن
بيّن على الگاع بيّن على الگاع

فارگني الولي .. بويه
بعدك ابتلي .. بويه
شيسوي بالروح .. شيسوي بالروح
____________________________

اختلف هالمرة نوحي .. الألم ياكل بروحي
يبني يالعود .. يبني يالعود
گلب ابوك ابفگدك ايحس .. حتى دمعي ايگلي أيس
بعد ميعود .. بعد ميعود
لحظة لن اسمعت صيحه .. بيها بويه وبيها طيحه
وابن مفگود .. ابن مفگود
جيت مسرع دمعي أحمر .. شفتك اعله الثره موذر
جسد ممدود .. جسد ممدود

ناديتك اگعد ياعلي
يا اغلى العزاز .. يا اغلى العزاز
چا منهو غيرك لو متت
ياخذني جناز .. ياخذني جناز

گربّ مقتلي .. بويه
بعدك ابتلي .. بويه
شيسوي بالروح .. شيسوي بالروح
____________________________

للشاعر وسام الشويلي