المشاهدات: 942   المدة: 20:10   الدقة: عالية
التصنيف: صوتيات دينية   الكلمات الدلالية: باسم الكربلائي، Zahraa Al obaidi
تعليق بواسطة ღ عِشق ღ
باسم الكربلائي
قصيدة : شنو صاير
للشاعر : حمزة السماوي
: ليالي محرم الحرام
: ليلة 16 محرم 1446 هـ
: ديوان انصار الحسين (ع) البصرة - الجنينة


شنو صاير لا مو هذا حسين
اجه كل هالشيب بوجهه منين
انصدم العباس .. منو هذا الراس

حضنته عالنهر من غمضت عيني
واخذ وياه "زينب خويه عذريني"
اذا عيني انطفت عطره يدليني
ادور بالسبي عن شوفة حسيني
واجه هسه گبالي وشفته اوياي
دمه فوگ عيونه وباچي اهواي
بقه عنده احساس .. منو هذا الراس

الحسين ايجاوبه مية هلا اعضيدي
بجيت اهواي عبد الله انذبح بيدي
اخي عباس احضر جان ترديدي
ومو عالماي عنك يسال اوليدي
اذه تسال عن لوني المخطوف
على وجهي دم عبد الله تشوف
ضمه ما ينقاس .. منو هذا الراس

رجع يسال اخوه الكافل بنحره
شفاهك ليش حايط جنهه متفطره
امبين اعليك ما شارب ولا قطره
وإنه ادري بيك واصل للنهر مره
انا أتمنى اتجاوب عن هاي
شنو ما خلاك اتضوگ الماي
ولا اسأل ناس .. منو هذا الراس

يگول حسين يا عباس جنت اگدر
بس الجيش شفته عالخيم اشر
يهددني الشمر يهجم عله الخدر
السبي اعرف ايصير و ردته يتاخر
ردت اتحمل حر وعطشان
ولا يوصل واحد للصيوان
وفه بالانفاس .. منو هذا الراس

بجه العباس وعيونه بدت تذبل
يكله شصاير بوجهك مَن المقتل
اكو حفره بجبهتك عنهه اريد اسال
احجاره نبله ياهي الصابتك اول
اكو طبرات براسك واهواي
واكو نبله شسوت يا مولاي
بنحر الينباس .. منو هذا الراس

الحسين ايجاوبه ياخويه لو تدري
جبهتي تهون حافر ساحك بظهري
الشمر لو شفته من گاعد على صدري
اكبال عيون زينب يكطع بنحري
بكل طبره براسي ايطلّع صوت
حتى ايسمّع زينب وتموت
تره حدنه انداس .. منو هذا الراس

وكع راس الكفيل وصار يتعذر
اخي اسف متت قبلك يبو الاكبر
لون باقي منو يوصل الك يكدر
امد ايدي واخلي خيولهم تعثر
منو يتجرأ يوصل للدين
اذا ضلت موجوده الجفين
وإنا ابو النوماس .. منو هذا الراس

راس حسين شكراً للوفي ايكله
الضعن رايدنه في برماح نوكفله
رقيه عندك وعندك تضل خوله
وانه رمحي ركز من ضيعوا طفله
سبي عدنه ومنعوف الايتام
يبو فاضل نحرسهم للشام
حچوا الحراس .. منو هذا الراس