المشاهدات: 9549   المدة: 7:02   الدقة: عالية
التصنيف: أشعار وقصائد   الكلمات الدلالية: فاقد الموسوي، Zahraa Al obaidi
تعليق بواسطة ✿ Ashk ✿
كلمات | قصيدة سمعوني هلا | سيد فاقد الموسوي - مكتوبة

ـــــــــــــــــــــــــــــــــــــــــــــــــــــــــــــــــــــ

سمعوني هلا صفگه معدله
للساده اجه الليله گمر چنه علي
عينه ملونه شوفتهه هنا
للديره وصل احلى خبر فرحوا هلي
اجه چنه حسين هاوسعها العين
هلا يبن الزين مثله ماكو اثنين
هلا والله وهلا صاحت السبعه اله
يا جماله من خياله صارت البسمله
اله گلبي فده اترف من النده
ضوه عينه هل علينه عشگي توه بده

ماشاءالله ما چنه بشر
قطعه من الگمر
ورموشه تصب بالجنه نهر

اللهم عجل لوليك الفرج

عينه مشرعه بياس مرصعه
يا احلى بشر ربه خلق وجهه شمس
بدر اربعطعش يحلى شما رمش
ولشيعة على بكل سنه ميلاده عرس
اجه تاج الراس يشبه العباس
عطره ما ينقاس احلى من الياس
هذا شيخ الزلم اعلى من النجم
هذا بلسم مشه بالدم هذا هو العشگ
هو نبض الگلب هوَ حب وحرب
هذا گلبي وضوه دربي هذا حبي الصدگ

ماشاءالله مهدينه انولد
صيحوله مدد
من جنة عدن جابوله مهد

اللهم عجل لوليك الفرج

صار احلى ولي يا شيعة علي
فرحوا من گلب بيرغ من الساده عله
عيد الرافضه فنه الما رضه
والرايد يشاركنه الفرح ١٠٠هلا
اجه راعي الثار هيبة الكرار
بيده چنه ونار سيفه ذو الفقار
موتو موتو قهر شرف المنتظر
يالشماته وشحلاته بيرغه الهاشمي
زوده من حيدره وسيد الگنطره
هذا سور الرافضيه واحنه بي نحتمي

ماشاءالله طالع عالحسن
دلاله سومرن
ونجوم السما من وجهه ضون

اللهم عجل لوليك الفرج

هليله فرح والشارك ربح
هنياله صدگ كلمن بفرحتنا حضر
الليله فاطمه تضحك بالسما
فرحانه اجه القائد المهدي المنتظر
خده منها النور عمه عينه الحور
خلفت فرسان يالحسن مشكور
خلفتلك امير هيبه كلش چبير
اسمه ايه بچفه رايه چنهه راية علي
اجه سيد وامام اسمه حب وسلام
مثله ياهو والله ماكو عدنا غيرك ولي

ما شاءالله هلا گولو هلا
بشيخ المرجله
وباچر ننجمع كلنه بكربله

اللهم عجل لوليك الفرج




كلمات | سيد محمد الموسوي