المشاهدات: 1050   المدة: 11:30   الدقة: عالية
التصنيف: صوتيات دينية   الكلمات الدلالية: مسلم الوائلي، Zahraa Al obaidi
تعليق بواسطة ღ عِشق ღ
زينب صاحت السجاد .. ماتحچي ويه حادينه
خلّه اعله الطفوف ايفوت .. حتى نزور اهالينه
***************************
عمه گلوبنه ذابت .. نار الهضم بيها توج
چِنهَ بولية العدوان .. ليل انهار بينه اتسج
ماتامر على الجمال .. بينا لكربلا ايعرج

حتى نزور گبر حسين .. ونخبره اشعمل هالبين .. ونهل دمع عالخدين

وننصب عالگبر ماتم .. ونگضي هناك أربعينه
***************************
مر بيه اعله اخوي الصار .. يوجع زينب فراگه
ولا تنشدني يالسجاد .. راح اشلون نتلاگه
فوگ تراب گبر حسين .. لوگع من على الناگه

آمر عمه عالجمال .. خل ياخذنه ليه بالحال .. حتى أگعد واشوّفه اشضال

بالعيله الإجت وياه .. وهسه شلون ردينه
***************************
نار گلوبنه تسعر .. والون مابطفيها
نريد اعله الگبور انجيم .. ونوح اعله اهاليها
ماتامر دليل النوگ .. يسري لكربله بيها

حتى انوّح عالعطشان .. نجري الدمع عالوليان .. ونسايل گُمرّ عدنان

لو ردنه لوطنه انعود .. ياهو اللي يودينه
***************************
خل ننشد گُمر عدنان .. عن الحال وش رايه
ويا راية الترف لو راد .. يرجع ضعني يارايه !
لو يبقه اعله هذا الحال .. يم العلگُمي ومايه

بلچن لو سمعنه مبچاي .. يرجع للوطن وياي .. وترف رايته فوگاي

ونرد للمدينه اردود .. بس كافلي يرد بينه
***************************
من يثرب طلعنه ويا .. ودگ صدره وتچفلنه
وانطانه بخت عباس .. ونريد البخت منه
شاطي العلگُمي كله .. لحادي الضعن يتعنه

نريد انچيم يم گبره .. انوّح ونسچّب العبره .. نشوف الضيغم اشعذره

ماظنتي ايهون اعلّيه .. ضيم اللي جره اعلينه
***************************
ماظنتي اتهون اعليه .. زينب والسدّه اعليهه
وياهو الراح ياهو الراد .. يتشمت بُگه بيهه
موش الخيم جمر الشام .. زينبهم الـچاويهه

هسه من اليسر رديت .. وانا بدمعتي اتبديت .. لگبور الأهل حنيت

ولوّح عَلّم گبرّ حسين . بس ما لوّحَت عينه
***************************
ون وصاح يالحادي .. وعينه ايسيل مجراهه
تسيّر عالطفوف اتريد .. عمتي اتزور ولياهه
وبس ما علّم گبر حسين .. لوح لـ عِد عيناهه

غابت روحهه وراحت .. يويلي وعالگبر طاحت .. صفگت بيدهه وصاحت

ليك اليوم يامظلوم .. جينه وگوك بارينه
***************************
طاحت من على الناگه .. ودارت عينهه وتنشد
هذا المن يعمه وذاك .. ياگبر العلي مبعد
ساعه اعله الحسين اتروح .. ساعه اعله الكفلهه اترد

من ضيم السبي وجوره .. ردت لچن مكسوره .. لگبر حسينهه اتزوره

ويم عباس ساعه اتروح .. وتنوح اعله چفينه
***************************
كلمات الشاعر المرحوم : عبد الحسين الشرع + الشاعر : علي أكبر الغُرابي
تدوين : zahra
***************************