المشاهدات: 2577   المدة: 11:50   الدقة: عالية
التصنيف: صوتيات دينية   الكلمات الدلالية: باسم الكربلائي
تعليق بواسطة صفاء العامري
زينب ابهاي المسيه اشلونها

عاليتم الله يكون ابعونها

فارگت هذا المسه نبع الحنان
زينب وما أنصف اوياها الزمان
وين تلگه فاطمه و بيا مكان
والدمع ذبل سواد اعيونها
______________________

بأول سنين العمر ضاع العمر
صار إسم زينب بعد أُم الصبر
كل يتيمه ابغير أُمها تنكسر
اتعيش حسرات ومواجع دونها
______________________

تسأل الليله ومدامعها دمه
وين راحت وين أُمي فاطمه
وين أخوتي اووين حماي الحمه
مادرت من راحوا ايشيعونها
______________________

شافها الوالي علي وگلبه انسحن
گلها يا زينب دفت أُم الحسن
عُمري كله هناك يـبنيتي اندفن
إستراحت فاطمهْ خيعونها
______________________

هالمُصيبه ومنها تبدي النايبات
اشراح ينطر زينب ابهاي الحياة !
چم جرح چم آه بالمُهجة تبات
باچر ابحيدر علي ايـواسونها
______________________

من بعد فگد الابو وذاكه اليتم
بالحسن حيل العقيله ينهدم
يقترب عاشور واقع مو حلم
من تروح لكربله بـظعونها
______________________

غاد تبدي الفاجعه و بلا مَثيل
تفگد حسين ابأثر فگد الكفيل
مو قليل ايصير بيها مو قليل
تنسبي وسوط العده اعله امتونها
______________________

كلمات الشاعر - عمار هليل الواسطــي

.