المشاهدات: 568   المدة: 7:49   الدقة: عالية
التصنيف: صوتيات دينية   الكلمات الدلالية: فاقد الموسوي، Zahraa Al obaidi
تعليق بواسطة ღ عِشق ღ
"زوارك زوارك يامحلاها زوارك"

اجينالك ركض يحسين .. يوسعة بال وكت الضيج
چي رگضن خواتك غاد .. صارت رگضة طويريج
فزعنه اعله المشي حفاي .. يالبـسمك انحلي الريج
لأن باگو عباة حسين .. من نلطم انشگ الزيج

" زوارك زوارك يامحلاها زوارك "

طلعت هيبة الرايات .. من كل ديرة شفناها
مشاية لضريح حسين .. والعباس ناداها
موكب حطو الانصار .. والسبعين تتباهى
صاحو نخدم الزوار .. هاي الخدمة محلاها
نصبو خيمة يم الماي .. دگو راية فوگاها
زينب بأربعين حسين .. مهديكم يجي وياها

" زوارك زوارك يامحلاها زوارك "

دربك بي عطر تكوين .. آية اتفسر ابآية
باچر يثگل الميزان .. بي خطوات مشاية
هنياله الخدم الحسين .. وفاز الينصب اقراية
راسه ابخدمتك مرفوع .. كلمن يرفع الراية
واجب خدمتك مولاي .. ولاية اتعزب اولاية
اشحلاته الخادم امن ايصيح .. هلا ابمشايتك هاية

"زوارك زوارك يامحلاها زوارك"

بگماط الرضيع اسرار.. فطرس لاحته اسراره
گبرك جنة الفردوس .. يامحلاها الزياره
ابتوخيد النفس والروح .. ريشات الگمر شاره
مناير صارن الچفين .. يتلگن ابزواره
يالمعزب الرمح بالراس .. مضيفك ماطفت ناره
العايف داره وتعناك .. گبرك ينحسب داره

"زوارك زوارك يامحلاها زوارك"

امير اعله العرش يحسين .. جمالك ترهب اعيونه
وجهك كلها حارت بي .. ماگدرو يرسمونه
دربك مو سفينة نوح .. واليغرگ ايعوفونه
الما لاح الحبل يحسين .. زوارك ايصعدونه
هلا بالزاير الـبـي شيب .. هلا بالهـدلن امتونه
البتعب بالدرب عالراس .. خدامك إيشيلونه

"زوارك زوارك يامحلاها زوارك"

اجينالك ركض يحسين .. يوسعة بال وكت الضيج
چي رگضن خواتك غاد .. صارت رگضة طويريج
فزعنه اعله المشي حفاي .. يالبـسمك انحلي الريج
لأن باگو عباة حسين .. من نلطم انشگ الزيج
باچر تنطويله الگاع .. لولا المهدي ماكو ارفيج
باچر تطلع الزوار .. والگاع ابأمية اتضيج

"زوارك زوارك يامحلاها زوارك"

للشاعر / محمود الموسوي