المشاهدات: 4707   المدة: 11:32   الدقة: عالية
التصنيف: صوتيات دينية   الكلمات الدلالية: خضر عباس، علي الواسطي
تعليق بواسطة علي الواسطي
صح يكرم الضيف
بس احلى بالسيف

زلزال ابو تراب عَـ الرگاب .. عِقابه

_________________


ربك من اختياره .. صدرك عن جداره
ماخذ اول مرتبة بترتيب السباع
تخطى يوسف جمالك .. تضوي حتى بخيالك
تمشي وتعاين خضارك تارس الگاع

شهم.. ياكريم الساده ماهزك عصف
شهم .. ترهب من اول حرف لآخر حرف
شهم .. هاشمي وماتمتلك نقطة ضعف
حياك حياك

مامنك اثنين .. بس انتَ وحسين
سادات الاسلام عالايتام .. سحابك

______________________

طب مثال المروءة .. بس يخوف هدوءه
عاصفة ومن تهدأ تخلفللهم اعصار
مايواجه صعوبة . سيفه نازل عقوبة
يامر ويلگه الجواب أدلل وصار

نزل ..فرحة الزهره وعذاب الآخره
نزل .. هالشوارب وگفت اعله الذل سره
نزل .. يوگف ابوجه الحسن يابن مرة !!
ينداس ينداس

عز الله مبخوت .. ياحرز البيوت
وكت الحرب حاد بالعناد .. مهابه

___________________

اتفصلتله السياده .. بأعلى رتبةّ قياده
فارس مدرب هبط نيزك على الروس
چنه موسى وعصاته .. يلگط ابمشتهاته
طلعت اگباله الافاعي وسيفه محروس

جبل.. ياكليم وعصتك ماتنثلم
جبل .. انتَ ماتشطر بحر تشطر زلم
جبل .. ماينام القارعك خاف بحلم
يلگاك يلگاك

عنده الحرب عيد .. وبـ ياعلي يصيد
مايمشي عالگاع . . عالسباع .. رچابه

_________________


فدوه لله شحلاته .. لا تحسده الشماته
نازك وشايل علي بكل التفاصيل
يدوي مثل القيامه .. براسه تدوي العمامه
خله جيش النهروان بضربته اتميل

ملك .. يمه واگطع لا تسولف بالزعل
ملك .. الله دمدم من ابومحمد نزل
ملك .. بالجمل هوَ الگطع رجل الجمل
مهيوب مهيوب

للمعركة يلوگ .. من يفرك حلوگ
مايطلع لسان .. اذا حان .. عذابه

_____________________

يابو سيف المنيه .. مصدر الجاذبيه
مغنطه سيفك تجر بالمعركة ارگاب
بالحرب من سواكَ .. سيدي شهل نزاكه
الله فصل طولك بـ تفصال ابوتراب

علي .. انت َ اول من حمل روح ووجه
علي .. مثل ابوك بكلشي صياد ونبه
علي.. واليشوفك بالملاحم يشتبه
كرار كرار

بس رخه النگاب .. گالوا علي الشاب
لنه الحسن هاد .. علي وعاد .. شبابه

________________________

صح دخل بالسياسه .. مو لكرسي الرئاسه
اليملك العالم حشه تغيره الدنيانير
حكمه يرهب خصومه .. ماتغره الحكومه
طبها حتى اعله الشعب فيّ وغطه يصير

سخي .. وبحقوق الفقره كلش مستعز
سخي .. گاعد بگلب اليحبــونك حرز
سخي .. ياملك يتلثم وينطي الخبز
للناس للناس

للفقره محجوز .. لگمه ابطن عوز
من ينطي مرتاح .. فلا طاح .. نگابه
_________________________

كلمات الشاعر : أمان شهيد المُرشدي
تـدوين:zahralobidi