المشاهدات: 1187   المدة: 7:12   الدقة: عالية
التصنيف: صوتيات دينية   الكلمات الدلالية: باسم الكربلائي، Zahraa Al obaidi
تعليق بواسطة ღ عِشق ღ
باسم الكربلائي
قصيدة : رفت أول راية
للشاعر : سيد معتز سلام الحسيني
: ليالي محرم الحرام
: ليلة 18 محرم 1446 هـ
: ديوان انصار الحسين (ع) البصرة - الجنينة


رفت اول رايه .. كل سنه مشايه

علت من البيشه رايات الزلم
كل مهم نعوفه وحسين المهم
والمواكب صارت بكد النجم
اجه يوم التضحيه ويوم العزم
ماخلفنه حجايه .. كل سنه مشايه

غير درب حسين مانمشي بدرب
حي عالمشايه دكات الگلـــــب
عدنه ويه النوم هالفتره حــرب
والنواصب اله نرعبهم رعـــب
والزلم وفايه .. كل سنه مشايه

منين مانمشي هله تسبك هله
والطرق كلها تؤدي لكربـــــله
زاير اشرب ماي والعن حرمله
درات اعله حسين حته البوصله
كربلاء الغايه .. كل سنه مشايه

كلها تطلع مشي حته الماكدر
نبقه نمشي لحد عشرين بصفر
براية العباس حزمنه الضهر
جانت اعدام وتحدينه الخطر
بينه نزلت ايه .. كل سنه مشايه

مابرد عزم المواكب مابــرد
يجــي يوم يصير مليار العدد
ورث عدنه المشي من ابٌ وجد
والزياره باقيه لحد الابـــــــد
للأجل شرايه .. كل سنه مشايه

كل مواكبنه وزلمها حاضــره
والسباع ربات سبع الكنطره
من السمه والكاع مشايه تره
كلها عالشباج يلحكها السره
نسوي احله قرايه .. كل سنه مشايه

ابوذيات : سلاسل ، على حسين ، والماي


هضم درب السبي گلبي .. سلاسل
ودمعي لفگد اهل بيتي .. سلاسل
بكثر ما شلت بجفوفي .. سلاسل
متت وآثارهن ظلّت بديه

جزاء احسان اهل بيتك .. على حسين
حسب ظنهم سبي عيالك .. على حسين
لون موجود ما داروا .. على حسين
علي ولا حرگوا اخيامي عليّه

الك يحسين جار الحزن .. والماي
اشد من فكد ابويه عليك .. والماي
الرمل والحر وجيش الكفر .. والماي
كلها اعداك يوم الغاضرية