المشاهدات: 1161   المدة: 2:56   الدقة: عالية
التصنيف: غير مصنف   الكلمات الدلالية: نور الزين، Zahraa Al obaidi
تعليق بواسطة ღ عِشق ღ
جرحك يا عراق الضلت اثاره
على طول النهر دمعات محتارة
يا موصل حزنة وطاب جرح العام
واليوم انلچم والسبب عبارة

يا گلب الثكالة الما طفت ناره
يا نهر المنايا الماخذ اصغاره
ورد بالماي ذابل ضايع ومخنوگ
ورد للضحكة مو للموت وجه يلوگ

وفوگ الماي طايح بس عيونة الفوگ
الله يعين صبرك وآلگلب محروگ
همنا بكل وكت والموت خطارة
جرحك يا عراق الضلت اثارة

جرحك يا وطن هم بعد ياذينه
وكلنة بصبر طاب وچذب سنينه
رد الموت هل المرة بنهر عينه
ولا چنها لليوم اولادنه بطينه

بعدها بكل قلب جيلات تذكارة
جرحك يا عراق الضلت اثارة
يا ماي المدامع حزن يوم العيد
كل ما ننسى همنه تجي بهم جديد
من هذا الشعب يا موت شنہي اتريد

من توگع الضحكة والدموع اتزيد
ومن ماي النهر هاي اخر اخباره
جرحك يا عراق الضلت اثارة