المشاهدات: 4415   المدة: 12:11   الدقة: عالية
التصنيف: صوتيات دينية   الكلمات الدلالية: قحطان البديري، Zahraa Al obaidi
تعليق بواسطة ღ عِشق ღ
شكرتونه نعم عالراس والعين
هله بكل من يجي زاير للحسين

حجيتوها وسمعناكم
ابمواكبنه انتظرناكم

هله ابكل من يجي زاير للحسين
هله ابكل من يجي زاير للحسين
__________________________

صرخة شكر أي سمعناها
الكلمة الزينة وسط الگلب مرعاها
تعالوا الداركم بالحب فرشناها
ابحب حسين للزاير بنيناها

تعال وكلشي جاهز لا لتحتار
علينه ازيارتك يالگاصد الدار

مضيف حسين يرعاكم

ابمواكبنه انتظرناكم

هله ابكل من يجي زاير للحسين
هله ابكل من يجي زاير للحسين
__________________________

هاي الگاع گاع حسين والشيعه
ارض ولكل موالي حامل البيعه
مادامك حسيني امرك انطيعه
صوت الـ ياهله للزاير انذيعه

احنه اولاد حيدر ولد العراق
منريد الگطيعه ونكره افراق

علاقة عمر وياكم

ابمواكبنه انتظرناكم

هله ابكل من يجي زاير للحسين
هله ابكل من يجي زاير للحسين
__________________________

ميهمنه الكلام الصار والما صار
تره ايهمنه الحسين وهوه راعي الدار
مانطرد ضيوف وحاشه نطفي النار
نذرنه اعمارنه بس نخدم الزوار

جنسيتك شنو متهمني الأجناس
المهم عندي تحب اچفوف عباس

راعي الوفه حياكم

ابمواكبنه انتظرناكم

هله ابكل من يجي زاير للحسين
هله ابكل من يجي زاير للحسين
__________________________

إحنه أهل العراق انتم أهل ايران
اولاد الرضا والنعم بالعنوان
حب آل النبي يجمعنه مهما كان
منريد التفرق يحرگ الاوطان

الزعل مايبقه دوم ابين الاحباب
موعدنه النجف يم داحي الباب

بعدها ابكربله الگـاكم

ابمواكبنه انتظرناكم

هله ابكل من يجي زاير للحسين
هله ابكل من يجي زاير للحسين
__________________________

تعالوا والوطن مفتوحة ذرعانه
شعوب العالم ايخليها بأحضانه
عراق حسين هذا ويبقه عنوانه
راية امن الرضا جييوها لسمانه

تعالوا ولا يهمكم كلشي ينگال
الزلم مو بالحچي تنقاس بأفعال

إيد ابـإيد ردناكم

ابمواكبنه انتظرناكم

هله ابكل من يجي زاير للحسين
هله ابكل من يجي زاير للحسين



__________________________

كلمات الشاعر واثق العيساوي

__________________________

كتابة Zahraa Al obaudi