المشاهدات: 283   المدة: 12:35   الدقة: عالية
التصنيف: صوتيات دينية   الكلمات الدلالية: علي سعيد الوائلي، Zahraa Al obaidi
تعليق بواسطة ღ عِشق ღ
بده لحن الشوگ .. لجل المعشوگ
وانا كاتب فوگ ..على باب العشگ
هوَ احيى الروح .. هوَ صبني جروح
عَبد المذبوح ..وانا بيّ محترگ

-

١
من اقصى الحنيه .. بهيئة إنسانيه
احيى الشوگ البيه .. من جاني
بسمهَ حرز دمي .. ابابه دمع أُمي
فِكرّه جله هَمّي .. قُراني

مشيّ نملة على الحجر
ولا عاشگ ترك اثر
بس عشگ الحُسين
هوَ جر گلبي من النبض
هوَ حُب وعليه فرض
هوَ سوري الحصين

سكن الوجدان .. واله صار امچان
گلبي الولهان .. حُبه من صدگ


-


٢
الحب مابي حكمّه .. جنون العاشگ نعمّه
تنجن يالله اتفهمّه .. حُب حسّين
طعم الماي لونه .. تلگاهن بعيونه
منشأ كلشي جفونه .. مولى الدين

هوَ امامي التارسني حُب
مگعاده ابفي الگلب
بالأبهر يصير
مالكني وعبد إله
مسقط جرحي بكربله
ماخلاني أحير


الدمع المجنون .. فلا حاجه عيون
هوَ جمرة جون .. من يوم الطبگ


-


٣
اگرب من الأبهر .. عطره يذل العنبر
ظله للعالم اكبر .. ماله حدود
من اول گطره من أُمي .. شفت حسين بدمي
تهجيته گبل إسمي .. حروفه اشهود

تره إسمه من ينذكر
هوَ ينطي اللُغة سحر
من اربع حروف
تره دمعي إله ابهضم
هوَ انطه عيوني طعم
هوَ خلاني اشوف


بلا إِسمه الكون . ولا كان ايكون
سرّ المكنون .. بيّ مايفترگ


-
٤
صواع الحُب القاضي .. خله ابرحلي الفاضي
لو يسجني راضي .. أُمنيتــي
محله العبوديه .. يم رب الحنيه
تسوه كل حُريه .. حُريتــي

انا اول حُر مستعد
لحسينه يوگف عَبد
بنص سوگ العبيد
وانا مالي أي مقدره
هوَ شاريني ابمنحره
عاشگ من جديد


انا مِنه وليه .. انا صُنع ايديه
ذبت ابطاريه .. مثل المختنگ


-

٥
عگال الحُر العالي .. ماي گصصنه الغالي
وهيبتنه للتالي .. من بخته
حب ماي فوگاه صوره .. لحسين الضاوي نوره
حرز بيوت المستوره .. العاشگته


بأيام العوز الصدگ
للصورة نركض عشگ
ونگلّه حُسين
ياخير الله الماله حد
من عندك ردنه مدد
مدينه الأدين


فرج المحتاج .. إذا رادّ إفراج
وانا شوگ أمواج .. وبگلبّي يدگ


___________________________

كلمات الشاعر | حسين حازم البوشي
كِتابة | zhralobaidi

____________________________