المشاهدات: 3268   المدة: 4:23   الدقة: عالية
التصنيف: أشعار وقصائد   الكلمات الدلالية: علي الدلفي، محمد الطيب، Zahraa Al obidi
تعليق بواسطة ღ عِشق ღ
مره الدنيه مره .. لو بس حياتي انا احسها مره

عبره وله ذكره .. مابين روحي وكلبي مرت حسره

يامهدي ياغير الوفه وغير البشر كدامي

كلبي عليك ومانسه والليل شاف احلامي

لامرني شوك ولا هوه ولا عاشرت بأيامي

هو انته وكليبي سوه يا ماي كلبي الضامي

ياصوت وجدان البشر ياغالي ياغالي

ياراية الحب والصدك ياغاية آمالي

مشتاك الك مشتاك الك.. رغم البعد ما اجملك

اظهر علينه اتوسلك .. مره الدنيه مره

_______________


لجمه لجمه لجمه .. حته النفس مر ابغيابك لجمه

رحمه رحمه رحمه .. يادنيه شوفيني بحياتج رحمه

اليوم خايني الصبر يمكن نسه عنواني

بين الجفن بين الدمع مكسور كلبي ايعاني

لامن اجه ولا أيست لاكلبي يرضه إيتاني

لو انته لو انته تجي لومايعاشر ثاني

شكد جمعت اعيوني سهر بس ماكلت كافي

بين العطش بين النهر جان الدمع صافي

المن عشت هذا العمر .. لو ادري بينه مايمر

اتوسلت جدم الصبر .. رحمه رحمه رحمه

___________


كلمه كلمه كلمه ... ها يا زماني خلي عندك كلمه

كلشي بحياتي ظلمه .. كل دمعه بعيون الإمام اترسمه

ياوكتي يوميه عذر ماتنحمل ياناري

لو فزت اعيوني ابصبح تكعد تدور داري

الشوك والجمره سوه وبكل وكت خطاري

الغيبته ماكو عذر يامن توصل اخباري

اشكد عاين ابوجهي الدمع وشكد يدك بابي

اشكد ذايب ابطولي الشمع ياسامع اعتابي

من كد شكو واحد حلم .. واكثر ابمرات الالم

مااحجي سولفلي القلم .. كلمه كلمه كلمه


___________

كلمات الشاعر : فاضل حسن

التدوين#ZAHRAA