المشاهدات: 1472   المدة: 17:53   الدقة: عالية
التصنيف: صوتيات دينية   الكلمات الدلالية: باسم الكربلائي، amir alfatlawi
تعليق بواسطة اميرالفتلاوي
للشاعر : حاتم صبري الكاظمي
............
راحت مو سبيّه
ثوره زينبيّة
.................
لـ الظلُم من هـدَّت اوتـاده
سَوَّت الـ ما صــار كالعاده
قــائــده بس ذلّت القــاده
شامخــه يا عـمَّــة الساده
بروح الحيدريّه
ثــوره زيــنبــيّه
..................
لـ الخِــدر فـوگ الهِـزل آيه
شويّه هُمَّه و زينب هـوايه
هاي مو زينب تـره الجـايّه
گــالو العــبـاس بـ الــرايـه
قــوّه عــسكريّه
ثــوره زيــنبــيّه
....................
بالكفــاله صـــارَت الكافــل
قائِــده هـ الأســم تـستاهل
لو حچت صاحو من القائل
هذه حـيدر لو أبـــو فاضـل
هَـزَّت آل اُمــيّه
ثــوره زيــنبــيّه
.................
هيّه صارت لـ النحر ثــوره
مَرَه و چنها عسكر اشكُبره
و شْتِـعادِل زينـــب الزهره
ألـِف زلمــه مو زِلِم عَـشـره
حشمه فاطـميّه
ثــوره زيــنبــيّه
...............
عيِّــشت هالجيـــش بأوهامه
الـ يمهه لو مَر ترجِف اعظامه
دَنَـگِــلـهـا و مـــا رُفــع هــامه
بِـتْ عــلي لـو عــلي گـــدامه
هيـبـه هاشمـيّه
ثــوره زيــنبــيّه
..............
كِسْرَت و هيهات مكسوره
طبَّت أعله الشام منصوره
راس أبو فاضل إجه دوره
گبال زينــب رايه منشوره
روس أهل الحميّه
ثــوره زيــنــــبــيّه
...............
أبن مرجــانــه و مَـلاعــينه
زَلـزِلَت عَرشَــه و مَضامينه
شلون يگــدر يرفــع ايمينه
و هوّه أصلاً ما رُفــع عـينه
بـ ثار الغاضـريّه
ثــوره زيــنبــيّه
.........
نعي : صبراه , وعاده , ما يجرها
......
لجل دينه علي السجاد صبراه
واشهد للولي المعصوم صبراه
نبي ايوب ما اظن صبر صبراه
لو شايف عذاب الغاضرية
................
وعد ربه وصدق للرب وعاده
ولا خاف وطلب ذبحه وعاده
القتل كله لنه منيه وعاده
وكرامتنا الشهاده اويه المنيه
.............
لو ما صبر زينب ما يجرها
لو ما يوم طفها ماي اجرها
لو ما امر ربها ما يجرها
الشمر بحبال لرض الشام هيه