المشاهدات: 906   المدة: 14:04   الدقة: عالية
التصنيف: صوتيات دينية
تعليق بواسطة عضوية122513
بيتنه وگلبي انطفن
ابـلا أهل غربة الوطن
والعيــون استاحـشن
راحـت امـي مني راحـت
يالحنينـه ،،، ها ييـمه

مدري ليش اعيوني رمده والمدامع
صافيه
يمه هذا الكون طافي لو عيونچ طافيه
روحي خلصت ويه دمعي بس احس مو كافيه
يمه نار الباب تلهب روحي رگضت حافيه
يمه احس نفس الألم
ابالي محترگه الخيم
وهذا مسمار وسهم
وعيني ويه دمعي طاحت
راحت امي مني راحت
يالحنينه ،،، ها ييمه

حسرة افراگچ چبيره ابعيني ضلت گاعده
گلبي مدري اشلون صابر بعدچ الله ايساعده
ياحبيبتي العزيزه اهدومي بعدچ سايده
البيت شنهي البيت بالله من تروح الوالده
شابت اسنين العمر
والكسر فوگ الكسر
بعد ميفيد الصبر
روحي ويه جروحي طاحت
راحت امي مني راحت
يالحنينه ،،، ها ييمه


ماوصل عشرين عمرچ من وصلتي للگبر
آخ يا ليلة وداعچ شيعوا بيها الفجر
فاطمه يايمه وينچ انه زينب موصبـر
كلشي يسهل بس وداعچ نار تـاكل بلجمر

رجفت اضلوعي الچ
گلبي هم محتاج الچ
رجعي يمه اتوسلچ
فرگتج ويانه طالت
راحت امي مني راحت
يالحنينه ،،، ها ييمه

رد ابوي الوحده يمشي يعثر ابجدمه الهوه
علته مايـدري وين وشوفتچ هيه دوه
ايصيح مو هيچ اتفقنا يابعد بيتي الضوه
انعيشه يافـاطم سويه وكون موتتنا سوه
وصل يمي ومخنگ
بدمعته ريحة حرگ
وگلبي ضل بسمچ يدگ
وروحه يم البيت ناحت
راحت امي مني راحت
يالحنينه ،،، ها ييمه

يمه گلب الحسن جمره تنبض ابنار الجرح
والحسين ابيوم موتچ ضل يسولف بالذبـح
شفت ابوي ايده اعله راسه وليلته ابلايه صبح
واني يايمه وغلاتچ گاعد ابعيني الرمـح

وبتدت رحلة حزن
حزمت گلبي اليحن
جروحي صارتلچ سجن

والمصايب بيه لاحت
راحت امي مني راحت
يالحنينه ،،، ها ييمه


هاي اول مرة اشوفن حال ابوي ابـ هالوضـع
يمه يوصل يم غرفتچ مايلحگ عالدمع
حبيبه صار البيت ظلمة وإحنه صرنالچ شمع
يمه بيت احزان گلبي ينكسر كسر الضلع

آخ ياليل البُعد
اخذ كلشي ومايرد
ويلي ياموت الورد
ادموعي بالچمات فاحت
راحت امي مني راحت
يالحنينه ،،، ها ييمه


كلمات المبــدع: حسيـن البغـدادي