المشاهدات: 568   المدة: 15:39   الدقة: عالية
التصنيف: صوتيات دينية   الكلمات الدلالية: محمد باقر الخاقاني، Zahraa Al obaidi
تعليق بواسطة ღ عِشق ღ
دنيا من المشاعر بية إلك ماتنكتــم
غالي وكل حواسي اتـرتلك يقضة وحلم
الماي أصفن عليه وتخيلك صوت ورسم

ياماي الحب مديونك
اعطش وانحب لضعونك
اسهر واشعر بعيونك .. سهرانه وياي
كل آه ابگلبي احچيها
وكل دمعة شوگ ابچيها
وكل صفنه اشوفك بيها .. مو بس بالماي
شفتك ولكن ماشفت خيمه وعلم
ابنحرك شفت شي وعرفت معنى ألم
هميت اشمك بس خفت الگا سهم
چم شوغه الك من تلتفت صوب الخيم

وانته اليريد افياي .. لازم يجيك
ماكو اكثر من الماي .. ويشح عليك

ليل الحب مدينة كل جرح فاگد وطن
واليعشگ جمالك ينذبح لو گلبه حن
دمعات انكسارك عالرمح كسرت ضعن
ليل الحب فزز نوحي
خلاني اسأل بجروحي
واقرا مصيبة مذبوحي .. والطم عالراس
ليش أهل الله اكبر
ينسلبون ابذاكَ البر
زرعوا خير وماخضر .. وي ذيچ الناس

تعطش واصدگ مرة اگول لاموصدگ
وانته العذب وي نبرتك مايفترگ
عيونك خلقها والله وقف بس للعشگ
وبس للطواف امخيمك مو للحرگ

اليهضمني يامولاي ويجرحني بيك
ماكو اكثر من المـاي ويشح عليك

يا لوعة غربتك والدهر طبعه الغدر
ودمعاتك هضيمه اتسـايلن عالخد جمر
واغصان اُمنياتك ذوبلن ذاكَ الظهر
چم شاطي الـ بالطف خانك
وذبلت بالخيمه اغصانك
يوم الهدمو صيوانك .. صار الحب نار
عشگك ضامي وحبيتك
ذبحوك وحرگوا بيتك
واتضل بالبر تاليتك .. لاخيمه ودار

حبك يبو الاكبر جرح يچوي الگلب
مو گدرك اتضل بالشمس فوگ الترب
حيف الغرب وي الضعن گطعو درب
صاروا اهل دار وهلك صاروا غرب

دمع الحنين اهواي لليرتجيك
ماكو اكثر من الماي ويشح عليك

اليهضمني يامولاي ويجرحني بيك
ماكو اكثر من المـاي ويشح عليك

وين اليبچي روحه الفاطمة شهگة حزن
نار الخيمة لاحت چم جدم وچم متن
ليش الينسلب ثوبه العليه مايندفن

عند اهل الحق والمنكر
ماكو اجنازه التـتأخر
بس حسين ايضل بالبر .. آه يازهـراء
صار الماصار ابـغيـره
واخته المظلومه بحيره
من ديره اتروح لديره .. آه يازهـراء

ليش الدهر خان ابضعن آل النبي
الحاكم دعي وابن الوحي صار اجنبي
صار اللي ماصاير قبل بأي طالبي
دار الوكت وام الخدر تمشي ابسبي

هاي التصبر هاي من عگب اديك
ماكو اكثر من المـاي ويشح عليك

اليهضمني يامولاي ويجرحني بيك
ماكو اكثر من المـاي ويشح عليك

ليـل الحب مصيبه تختـلف عن كل ألـم
ودمع الماله غيرك من يجف يصبح عدم
وكل دمعه استجيرك واعترف وانزف ندم

يادمعه ابشوگي وليلي
جـرحي وصوتي اليا ويلي
امقصر بس ينهد حيلي .. على طاري الشام
نار الخيمه ابدلالي
وبعيوني الرمح العالي
يبقه الطف يتـراوالي .. حافر وايتام

ابطف كربله ادموع الزعل نزلن جمر وچم گلب مات وعدل
التگطع صحاري ابلا اهل ويه الفجر
اتريدلها بس لو عالاقل هودج ستر

خليني اضل وفاي وبدموعي اجيك
ماكو اكثر من المـاي ويشح عليك

اليهضمني يامولاي ويجرحني بيك
ماكو اكثر من المـاي ويشح عليك

كلمات الشاعر: احمد الهلباوي
تدوين ـ zhra