دكت الجبال - باسم الكربلائي | MP3 مع الكلمات | بواسطة ღ عِشق ღ في 2018/4/16 (منذ 7 سنوات) تنزيل (18.4 MB) رابط قصيرg+ftاغلاق
المزيد من المقاطع بواسطة ღ عِشق ღ
انتهى القتال......وابتده ابصوتج......على الظالم قتاله
ثورة تلهب.......إنتي زينب
ثورة تلهب.......إنتي زينب
______
دٌكت اجبال الأرض وانتي البقيتي
وانحنت للكاع كلهه ومنحنيتي
شلتي جفج تمطر الدنيه اندعيتي
حتى لاينشاف دمعج لوبجيتي
يالردتي العده.....تشوفج صامده.......إنتي القائده.....للهواشم
دمعتج محال.......توكع اكبال الأعادي مستحيله
والحرب سجال.......إنتي حاربتي ابصمودج يالعقيله
غيرة الأب......إنتي زينب
_________
دُكت الجبال.....وانتي ضليتي جبل......يصعب زواله
انتهى القتال......وابتده ابصوتج......على الظالم قتاله
ثورة تلهب.......إنتي زينب
ثورة تلهب.......إنتي زينب
_________
إنتي علمتي البطوله اعله البطوله
واليشم عطرج يشم عطر الرجوله
مثل يحيى ومثل ريحانة رسوله
انتي كامل عقلج ابسن الطفوله
لبوة حيدره......ما مثلج مره..... بس امج تره.....الله عالم
صرخة الضمير.....صارت ابصوتج يبت حامي الحميه
ما الج نضير......وانتي هزيتي العروش الناصبيه
أمرج اوجب......إنتي زينب
_________
دُكت الجبال.....وانتي ضليتي جبل......يصعب زواله
انتهى القتال......وابتده ابصوتج......على الظالم قتاله
ثورة تلهب.......إنتي زينب
ثورة تلهب.......إنتي زينب
_________
عن صبر أيوب كبلج سولفولي
والقرين ال بالصبر مثلج لكولي
لومه بالقرآن صبره او وضحولي
كلت ما اصبر لمن عنج حجولي
من صبرج ابد.....ما صابر أحد.......والكال انوجد.....هذا واهم
للصبر حدود.....يلي صبرج ماعرف واحد حدوده
كعبة الوجود......إنتي زينب للصبر كعبة وجوده
لكِ يُنسب......انتي زينب
_________
دُكت الجبال.....وانتي ضليتي جبل......يصعب زواله
انتهى القتال......وابتده ابصوتج......على الظالم قتاله
ثورة تلهب.......إنتي زينب
ثورة تلهب.......إنتي زينب
_________
يا أخت ذاكه الفلا كاسر جوابج
وكع جفه وما قبل يوكع حجابج
من الزغر شيبج كتل فرحة شبابج
عرش ربج زينب اهتز لمصابج
هزيتي السمه.....يابت فاطمه......واليطلب دمه....ثاره قائم
هذا مستحيل......ينسه ثارج صاحب الطلعه البهيه
غيرة الكفيل......والإمام المهدي ميعوفج سبيه
ثاره يُحسب......وانتي زينب
________
دُكت الجبال.....وانتي ضليتي جبل......يصعب زواله
انتهى القتال......وابتده ابصوتج......على الظالم قتاله
ثورة تلهب.......إنتي زينب
ثورة تلهب.......إنتي زينب
________
ياهي مثلج للشكر تسجد لكولهه
قبل ساعه اكبالهه ايذبحون اخوهه
إنتي بس إنتي الوحيده ايوصفوهه
الله منطيهه مثل ما منطي ابوهه
يل بيج اعتله......دينه ابكربله.......إنتي البسمله......والمكارم
صفوة النساء......الله ماخالق بعد فاطم مثلهه
بيهه كربلاء......ثورة ضلت لابعدهه ولاقبلهه
أعلى مرتب......إنتي زينب
_________
دُكت الجبال.....وانتي ضليتي جبل......يصعب زواله
انتهى القتال......وابتده ابصوتج......على الظالم قتاله
ثورة تلهب.......إنتي زينب
ثورة تلهب.......إنتي زينب
_________
مثل هاجر إسمج اليقره ابحروفه
شرط سبعه اشواط يتحفه ويطوفه
هذا صحنج زمزم وبالشام اشوفه
بابه جف مكطوع يستقبل ضيوفه
يابنت الولي......والكال ارحلي......ما رد وعلي......لاهله سالم
تشهد النحور.....يوم راد الناصبي يهدم مقامج
الشيعي والغيور....سوه طف ثاني يبت حيدر امامج
كيفَ تُسلب؟؟......إنتي زينب
________
دُكت الجبال.....وانتي ضليتي جبل......يصعب زواله
انتهى القتال......وابتده ابصوتج......على الظالم قتاله
ثورة تلهب.......إنتي زينب
ثورة تلهب.......إنتي زينب
_______
جان متوقع يزيد ايهز كيانج
ما دره الفقار موجود اب لسانج
عرشه راد ايطيح من خطبة بيانج
لهل سبب ماراد تبقين ابمكانج
هزت مضجعه......هاي الواقعه......والضدج سعه......هذا ظالم
صحتي يايزيد......اسعه سعيك وكد كيدك مايهمنه
يشهد الوريد......إنتَ ماذليت واحد من زلمنه
هاشم أهيب......إنتي زينب
_________
دُكت الجبال.....وانتي ضليتي جبل......يصعب زواله
انتهى القتال......وابتده ابصوتج......على الظالم قتاله
ثورة تلهب.......إنتي زينب
ثورة تلهب.......إنتي زينب
_________
لأجل تبجي العين لانكتب قصيده
حسين بيهه انذبحه مرتين ابوريده
انخلي زينب خايفه وترجف وحيده
ويزعل العباس وانهين العقيده
زينب رائده.......زينب خالده.......زينب قائده.....هذا لازم
زينب الإباء.....لاتخليهه ابوضع كلش ضعيفه
زينب الفداء.....آية التطهير للعترة الشريفه
كوثر أعذب.......إنتي زينب
_________
دُكت الجبال.....وانتي ضليتي جبل......يصعب زواله
انتهى القتال......وابتده ابصوتج......على الظالم قتاله
ثورة تلهب.......إنتي زينب
ثورة تلهب.......إنتي زينب
_________
كلمات الشاعر المبدع : ناظم الحاشي
________
تدوين : زهراء العبيدي
________