المشاهدات: 6058   المدة: 7:28   الدقة: عالية
التصنيف: صوتيات دينية   الكلمات الدلالية: حسين فيصل، Zahraa Al obaidi
تعليق بواسطة ღ عِشق ღ
هنياله العاش عمره ابخدمته
واليخدم حسين يسكن خيمته
_______________________

هنياله كلمن وزع الماي ابثواب حسينه
باچر تدوره فاطمه وتسأل الخادم وينه
ندري علي بيوم الحشر من يمنتـه يروينه
والله لأن ابخدمتك هذا العمر شارينه

هالخدمه من الله
اعظم رزق والله

رازقنا ياناس افضل نعمته
واليخدم حسين يسكن خيمته
_______________________

والزهره بيكم تبتشر ها يالخدم فرحوها
ابنو المواكب والخيم وبيا علي نصبوها
املوا الطريق الكربله الخطوه ابـهله حيوها
وفينه ها ياام الحسن مانوفي لا نادوها

منچ اوامرنه
شينقصه زايرنه

مو هوه محتاج إحنه ابحـاجته
واليخدم حسين يسكن خيمته
_______________________

واللي كتب واللي قره واللي لطم لمصابك
واللي نزل دمعه نهـر بدموعه غرگ بابك
واهنا طفل شايل علم مدري اشنطه بثوابك
واهناكه شايب منحني غسل اقدام احبابك

هذا الدرس عبره
للخادم اوقدره

مهما كبر كـون إسمـه اوهيبته
واليخدم حسين يسكن خيمته
_______________________

خيمه حسينيه .. خدامه ممليه
هنياله العاش عمره ابخدمته
واليخدم حسين يسكن خيمته
_______________________

وكل نعمه تحتاج الشكر خاطر تعيش النعمه
بس نعمة الخدمه الشكر تحتاجه ويه الهمه
والحمدلله الخدم من كل فجر متحزمه
عدهم يصير اجمل عنر من ينگضي بالخدمه

خيعونه خيعونه
السومر عشگ لونه

ومن الشمس حيل بانت سُمرته
واليخدم حسين يسكن خيمته
_______________________

كل لحظه كون ابخدمتك يالمنذبح سجلنه
يالما نسينه امصيبتك عند الله هم اذكرنا
ماحاجه ننخاك اوعلي واعلينا أحن من أمنا
لكن نسولف سيدي نشكي إلك من همن

للخدمه وفقنه
وادخيلك إقبلنه

والخادمك صار تعله رايته
واليخدم حسين يسكن خيمته
_______________________

كلمن يخدمك سيدي يعزفها زين افضالك
من يختنگ رأسن هوه اتدزله بأمر مرسالك
آمرنا ياروح النبي والتأمرنا يجرالك
قصرنا لو وي زايرك سامحنا كلنا اعيالك

الخادم يظل حاير
شيوافي للزاير

شيقدم ايحير اويبقه ابحيرته
واليخدم حسين يسكن خيمته
_______________________

خيمه حسينيه .. خدامه ممليه
هنياله العاش عمره ابخدمته
واليخدم حسين يسكن خيمته

_______________________

كلمات الشاعر : زهير الإبراهيمي