المشاهدات: 7764   المدة: 13:41   الدقة: عالية
التصنيف: صوتيات دينية   الكلمات الدلالية: عمار الكناني، Zahraa Al obaidi
تعليق بواسطة ღ عِشق ღ
عباس وجهك دنيتي . سبحة صلاتي وتربتي
لاياخذك مني العطش . خليني اشربك دمعتي
_____________________________

عباس چا غيرك منو يلاگيني ابضحكة وهله
عباس لو رحت وعلي زينب تظل ابكربله
عباس لوحچيك سكت يطلع لسان الحرمله
عباس لوعني غبت اتيه من اديه العايله

ظل يمي احلفك بالسهر . مو أعز من عندي النهر
لو رحت زينب تنعمي . تكسر للحسين الظهر
_____________________________

عباس من ترحل تره الخيمه اعله زينب تحترگ
اگصار چفين الشمر بغيابك اتطول وتطگ
لو حطله جنحان الطفل بالسوط باچر ينلحگ
چفين اديه الربتك تقبل يكافل تنشبگ

لو طاح يخويه العلم . تطلع بنات من الخيم
لا تمشي يم المشرعه . محضرين لعيونك سهم
_____________________________

لو رحت ويطبنه الخبر ذبحوه سبع الگنطره
من مستحاي من الزلم ما أكدر اركضلك تره
وحسين عگبك ينطعن اثنعش طعنة ابمتحره
اثمانين طفله ابلايه أبو اتخليهم ابرگبة مره

وفرحان ويصيح العدو . حسين ظل ابلا أخو
يالشوف وجهك عاطفه . يحسسني عندي أم وأبو
_____________________________

وياك اخدني ابجربتك لو بين صدرك واللوه
حته السهام اللــي تجي بـضلوعنه يطبن سوه
چي مثلي ماعدها اخو حسدتني يمك نينوى
تسمعني اصيح من اختنگ جيبرلي عباس الهوه

عباس لمن تنذبح . يبدلونه طولك بالرمح
وحسين بخلافك تره . مايصبح اعليه الصبح
_____________________________

الحسين گلبه ابغيبتك بسهم المثلث ينرمي
بنيات حماي الحمه اتدور حمه وماتنحمي
ويضيع درب المشرعه بدخان الخيام انعمي
وينشف عيوني من الدمع الله ينشف العلگمي

حسين إعله رمحه منتچي . ويابس إعله السانه الحچي
من رحت ذب اعمامته

_____________________________

كلمات الشاعر : علي عويز الشويلي