خلصت عمري انتظار - الشاعر كاظم اسماعيل كاطع بواسطة .AHMED في 2017/10/12 (منذ 7 سنوات) تنزيل (2.3 MB) رابط قصيرg+ftاغلاق
المزيد من المقاطع بواسطة .AHMED
عاشرت ليل المحطه
وارتجي إيجيبك قطار
والقطار !! لو يحب مثلي
وتشب بضلوعه نار
يسرع إبمشيه ويجيبك
بالفجر قبل النهار
ولو تعبني إنتظارك
شارك العمر إبسنينهإ
هواي كالو مايجيك
وكلبي جاوبهم يجينه
يجينه
ناشدت كل روجه عنك
كل جرف كحلت عينه
وإسألت كل الشواطي
بلكت إتجيبك سفينه
ولا سفينه
ولاقطار
وخلصت عمري إنتظار
لا قطار ولا سفينه
وآنه والليل إبأمل جيتك علينه
طيح يا دمع النده وكطر بدينه
إحنه ليليه إنتلاكه
نسهر آنه وياك ياليل المدينه
آنه عيني عالمحطه
وإنته عينك عالنهار
خلصت عمري إنتظار