المشاهدات: 587   المدة: 6:46   الدقة: عالية
التصنيف: صوتيات دينية   الكلمات الدلالية: فاقد الموسوي : محمد الموسوي
تعليق بواسطة مـُحمد الكربلائي
بدر هاشم يكتمل هالليلة
بالفرج كل الناس تدعيله

الله يگلك هلا .. ياشيخ المرجلة
امتانيتك كربلا .. ياهيبة اعيونك

حر وتحب العلو .. انت يشبهك منو
بس عبّاس الكفو .. خليني مجنونك

من فدوة اروح انه وهلي
شايل جمال هيبة علي
يالمهدي بس انت الولي .. غيرك ولا واحد

والمايوالي بدولته
يتأكد من الجابته
لاسيف غيرك لافتى .. ياحضرة القائد

الصوج بساسه الماوالك انت اليشهدلك حيدر
تطلع شايل ذوالفقار تهد والعالي تجيبه بصيدك


چفوف كل الرسموك مجبورة
انت تشبه عباس بالصورة

باچر يرجع سوه .. ضوه يطلع وي ضوه
نفس الچف واللوه .. واثنين خيالة

باچر صوت السمه .. بي هيبة ملحمة
ابنچ يافاطمة .. هل وعلي اهلاله

ماباقي شي ونسمع خبر
من السمه تنزل صور
بيها الامام المنتظر .. والريشة البراسه

والمهدي باچر لو غبش
تلثمية سيف وتلثطعش
كلها تصيح يخسه العطش .. ويعيش عباسه

عجل واخذ بثار حسين الزهرة تريدك قائد
شوف الدنيا مغيمة اجناب ارعد يمونس اليلمع بيدك


دولتك نفس اللون والراية
والدول كلها تصير مشاية

باچر يبن الحسن .. بسمك يحلى الوطن
انسى وياك المحن .. وتورد ايامي

باچر توگف سره .. الكل تتشيع تره
كلها تحب حيدرة .. والعالم اسلامي

دولة ونشيد واحد الي
راية حسين بي تعتلي
وَلا فتى الا علي .. هالچلمة محلاها

بالغربة باچر مانحس
نعبر على اعيون الشمس
ونسوي فوگ زفة وعرس .. يالمهدي نتباها

انت تفصل ويلبسون تدلل صار وخادم
رحمة منزلك رب الكون ابشر والكل تصيح نريدك

عجل واخذ بثار حسين الزهرة تريدك قائد
شوف الدنيا مغيمة اجناب ارعد يمونس اليلمع بيدك ...
ــــــــــــــــــــــــــــــــــــــــــــــــــــــــــــــــــــــ
✿ اداء : سيد فاقد الموسوي
✿ الشاعر : سيد محمد الموسوي