المشاهدات: 508   المدة: 31:34   الدقة: عالية
التصنيف: صوتيات دينية   الكلمات الدلالية: باسم الكربلائي، amir alfatlawi
تعليق بواسطة اميرالفتلاوي
قصيدة : حان القصاص
للشاعر : ميرزا عادل اشكناني
ليلة 23 محرم الحرام 1443 هـ
عزاء تجمع اهالي جميلة المركزي العراق - بغداد
............................
حان القَصَاص امن الكُفر بسْم المناحر و الخِدُر
ثار او عليْهِ الله انْحِمَد الحمْدُ لله و الشُكُر
............................
امْعاشر الدّمعه و السَّهر عِشرة الجِربه اوْيه النَّهر
او مكسور دلّالي مثل كسرة الموج اعله الصخر
لنِّ المنادي يا علي إخْـذ البشاره بهالخبر
المُختار أعلن ثوْرته و ايْصيح يا ثار النَّحر
المختار فصله يختلف يفصلهم الواحد بألِف
ما ناوي يرحمله أحَد الحمْدُ لله و الشُكُر
............................
من صبري شيّبت الصبُر و اسنين خمسه منتظُر
العين بالعين اْو تَره كسْر الصدر يشفي الصدُر
المختار گالولي ابتده بالداسوْا اضلوع الطُهر
و آمر ابخيَّاله عشر تسحگ الخيَّاله العَشُر
للثار فَك ريجه ابزلِم خلّه ضلعهم ينهِشم
حوبة الدَّم الما برَد الحمْدُ لله و الشُكُر
............................
و الهاشميَّه ابلا حِجل ظلّت او دمعتها تِهِل
لا تبتسِم , لا تمتشِط لا تختضب , لا تكتحِل
ابمَرْوَد الدمعه امكحَّله متخضّبه ابدمِّ الطِفِل
تنتظر حُكم الله عله الركّبها عالنوگ الهزِل
و ابتشرَن ابنات الوَحي ابمذبح خِـوَلّه الأصبحي
او صاحت ابفرحه امِّ الوَلد الحمْدُ لله و الشُكُر
............................
ظلّت ابالي اسأله عالحِرَگ گلب العايله
ياهو اليبشَّرني مته المختار يلزم حرمله ؟
بالسهم المثلث ذبح نحر الرضيع ابكربله
او سهم الذي ابعين الگمر يا ثار بالله يعْدِله !؟
گالوْا يمولاي انْلزَم واربع وصَل جسمه انجِسَم
و ابسابع اجهنَّم خِلَد الحمْدُ لله و الشُكُر
............................
و الشمر يمته يا تَره المختار يگطع منحره
گالوْا يمولاي انتظر تاليها يوصلّه السِّره
و أنا ادري ربّي المنتقِم لحسين يجبر خاطره
و ايدُور دولاب الزَّمن بالدنيه قبل الآخره
الحَمْدُ لله چي شفِت ابْن زياد راسه بالطّشت
و ابكتره راس إبِن سَعَد الحمْدُ لله و الشُكُر
............................
بُشره ابأثر بُشره ترِد او منحر ابمنحر ينرفِد
و ادْموم كل أهل الأرض متْساوي دمْ جون العَبِد
عالمات مفطور الچبد راح أبقه مفطور الچبدِ
و انتظر إبن العسكري بالثار يوم اللي يرد
شبل الحسَن لمّن يجي ينحَر شكو خيل أعْوَجي
وانصيح لو حان الوَعد الحمْدُ لله و الشُكُر
............................
أمر العَدو ما منحسِم لو ألِف مرَّه ينعِدِم
او ما دامه ثاري ما خِلَص ثغري أبَد ما يبتسِم
لابد يجي شبْل الحسَن واقع نشوفه مو حلِم
و اردْود يعلن ثوْرِته و اِردود منهم ينتقِم
الأسّس أساس أوّل ظلم مهدينه يكسرله العظم
يمهِل ولا يُهمِل أبد الحمْدُ لله و الشُكُر

.........
ميرزا عادل أشكناني
الكويت
١٤٤٣ هـ