المشاهدات: 8892   المدة: 21:27   الدقة: عالية
التصنيف: صوتيات دينية   الكلمات الدلالية: باسم الكربلائي، Zahraa Al obaidi
تعليق بواسطة ღ عِشق ღ
چنك علي وصليت
وادعيت رديت .. شمس المعركة
للطف ملك طبيت
شديت سويت .. طفك مملكة
عين الله تحميك امن الحسد
عمتك واناديك ابن الولد
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛
يگولون .. روايات
عرس جاسم ولا ثابت امرها
وانه اليوم .. اداعيه
على اعناده الحرب تثبت خبرها
وعلى اعناد .. هالسيوف
تروح الها وترد گاطع مهرها
يمفتون .. والحسين
منيتك حلوة و ازغير عمرها
مثلك منيتك ماي
شفاف تنشاف .. بعيون الظمه
وانته احلى منها هواي
بالخير يا طير .. يمحلي السمه
تشبه جنح طير اسمه السعد
عمتك واناديك ابن الولد
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛
يعريس .. يريدون
يزفونه وعروس الحومه يمه
بلا ياس .. ولا اشموع
وصية والده انحينه ابدمه
صلوات .. من العين
على طولك يبعد امك يعمه
رحت ليش .. على الجيش
قائد عسكري و لا شي يهمه
بيدك يصيح السيف
ممنون مزيون .. بيدك يا بطل
شاب ابمثابة شيخ
مقدام هجام .. فارس و ارتجل
من ذا ومن ذاك ابن الاسد
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛
مثل ما .. ابو حسين
هجم خيبر هجم سيفك عليهم
يشردون .. يرجعون
على كل اتجاه انته تجيهم
اجه الموت .. على اديك
بعد ما گدروا ايشلون اديهم
يصيحون .. اظن هاذ
حمزة وبينت سطراته بيهم
لو هذا ملك الموت
بالكيف بالسيف .. ظل يگطع رگب
سيف اسرع من الصوت
بتار للنار .. سواهم حطب
سيفك من الموت اقسى و اشد
عمتك واناديك ابن الولد
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛
يحسبون .. بالسنين
الف ساحة حرب عمر المقاتل
من الخوف .. والارباك
من صوته هتف هل من منازل
ينادون .. يخيال
فرس گالوا ركب بس هوه راجال
خطف لون .. الوجوه
نهر ماي و عليه عباس نازل
عفيه من ابني ذليت
فرسان شجعان .. مو من البشر
جن عمك العباس
من راح و ارتاح .. من ذل النهر
من يمه لو فات اسمي استعد
عمتك واناديك ابن الولد
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛
بلا خوف .. تحديت
لمع سيفك غذب لمّن شهرته
واناديت .. هلاهل
لمن جيش العدو شفتك كسرته
تره الما .. عرف بيك
حسن بالحومه گال بعيني شفته
شفت هاه .. علي وياه
على عمر الولد من عمر عمته
راح الولد للموت
عالناي مشاي
شايل رايته
مثل المشوا لحسين
عالنار زوار
يوم زيارته
كلهم للحسين انطوا عهد
عمتك واناديك ابن الولد
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛
اعاين .. واراقب
شفت طيحة شمس بالمغربيه
لچمني .. دليلي
گلت جاسم وگع فوگ الوطيه
واجه الصوت .. للخيام
يعم طاح ابن اخوك الحگ عليّه
تعناه .. حجه اوياه
ردت يوم العرس قبل المنيه
عرسك منيك صار
وحسين يا زين .. زفك للخيم
زفة شهيد وجان
عشاگ و اشتگ .. لحرورة سهم
غصبا على الموت اوفي الوعد
عمتك واناديك ابن الولد
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛
واعاين .. للحسين
مثل قوس انحنه وهو يحمله
يشم بيه .. يناغيه
مسح دمه وبچه مدري اشيگله
اثاري .. يحاچيه
على اجروحه اللي ماذيته يسأله
عتابي .. وعذابي
اذا جاب الولد وتشوفه رمله
بس رمله صاحت عاش
حياه والله .. يا نعم الشبل
ما ريده لو ما جان
وفاي مولاي .. قبلك ينكتل
اطلب يمولاي أأمر بعد
عمتك واناديك ابن الولد
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛
يجاسم .. يالأكبر
يعبدالله ابفرد نومه صفيتوا
يشبان .. يحلوين
يمن واحد وره واحد مشيتوا
يغاليين .. بالفراگ
گلب زينب تحطم ما دريتوا
لون جان .. تسمعون
على عمتكم الليلة بچيتوا
كلساعه ازف اولاد
شبان قربان .. لسيوف الذبح
وحدي بلا عباس
والخيل والليل .. وابعيد الصبح
باجر على حسين ابچي بعد
عمتك واناديك ابن الولد
____________________

كلمات الشاعر : أحمد الذهبي