المشاهدات: 224   المدة: 12:24   الدقة: عالية
التصنيف: صوتيات دينية   الكلمات الدلالية: باسم الكربلائي، Zahraa Al obaidi
تعليق بواسطة ღ عِشق ღ
باسم الكربلائي
قصيدة : تسوى عمر كامل
للشاعر : حمزة السماوي
: ليالي محرم الحرام
: ليلة 7 محرم 1446 هـ
:جامع وحسينية الرسول الاعظم - بغداد حي الإعلام

---

تسوه عمر كامل .. ليلة ابو فاضل

وين اليحب العباس هالليلة ليلتنه
إلها نعد الساعات ونتاني دمعتنه
أحلى اذا يطلع صوت من عدها لطمتنه
خل توصل الصحن حسين هالليلة صرختنه
موكب عزه كامل .. ليلة ابو فاضل

ليلة وفه من كل عام والشيعة وفايه
طيح جفوفه على الماي ما طايح حجايه
اربعطعش معصومين حضروا بالقرايه
نشد العزه بيا عباس من نرفع الرايه
خير ونعم كافل .. ليلة ابو فاضل

لا تبخل بصوتك صيح ويلاه يخو زينب
حد الصبح نلطم راح والزهره ما نتعب
هالليله تبجي الزهراء يبجي الشطر مرحب
مو شيعي اذا هذا اليوم عالغيره ما ينحب
مجلسنه يستاهل .. ليلة ابو فاضل

تحضير إله هذا اليوم طول السنة عدنه
من ذاك عاشور الراح نكتب قصايدنه
بس نظرة من العباس هذا الذي ردنه
جيش العزه منتصرين والمهدي قائدنه
عند السمه عاجل .. ليلة ابو فاضل

صبوا الدمع ويه حسين والخيمة والعيله
ظهره انكسر يم الماي اگعد يناديله
العنده غيره اعله حسين لازم يشد حيله
لا بارك الله بإيد ما تلطم الليله
ظهر العرش مايل .. ليلة ابو فاضل

تسولف لحد هسه الشام وتسولف الكوفه
بهالليله من جاب الماي والعسكر يشوفه
برهبة تحس الزوار من توصل اتطوفه
عباس يبقى العباس لو گطعوا اچفوفه
يتجنن العاقل .. ليلة ابو فاضل

حاجتك أطلبها وگول وابچي بصدق نيه
الما عنده ذرية اليوم ينطيها ذرية
العنده مريض ايشافيه والشده مگضيه
ما تطلع إلا ومرتاح من الحسينية
ندعي العمل واصل .. ليلة ابو فاضل