المشاهدات: 28251   المدة: 10:56   الدقة: عالية
التصنيف: صوتيات دينية   الكلمات الدلالية: خضر عباس، Zahraa Al obaidi
تعليق بواسطة ღ عِشق ღ
دگ بابي بحذر وبلوعة .. يمكن شي وراه
ماخذني العطش ياطوعة .. ومبين ضماه

طب لا تبقى امتاني .. هلا بحسين الثاني


ياهلا ولا تبقى مستحي
مو گبل خادمكم الوحي
لو ردت من يمك انمحي

دارك وانتَ اولى بدارك
طب يمشيم خطارك

مو فشل من عمك الفحل
لو زعل مني عندي لو زعل
لا تهم والعنده هيچي اهل

سلطان وتاجه براسه
نار ويافگرة الجاسه

مسلم مو صدگ والظاهر اسمك حيدره
مشيت الزلم يالقاهر مثل المسطره


يعجز بيك الساني .. هلا بحسين الثاني

***********************


ماشفت كل عمري هيچي صل
لا يفر من عركة لا يمل
لو زئر بالكوفه مايقل

عن ذاكه ابن البدويه
نفس الروح الحربيه


مارجف من عكسر وحرس
لا قلق من فارس فرس
لاقره على الخوة لا درس

هذا المن گاعه يوافي
راضع من مرضع صافي

قبل الخلق متحضر ومحضر دماه
هذا ابكل وكت متصدر والوادم وراه

من اگماطه ايتاني .. هلا بحسين الثاني


**************************

صدى عزمك رج امية رج
على مهلك والتخزره هج
نبي سيفك وبمرامه حج

كبر يم داري وصله
يا شيطان اليوصله

گضه خلگه وغيم ورعد
قره آية توضى واستعد

اجه يومه وسرفن وصعد
فوگ الشگره المعروفه
شاهين ابنص الكوفه


صرصر عاد اجت لو طير ونازل لابرهه
يامر والزلم تتراجف فارس أبهه

گلهم ياهو آني .. هلا بحسين الثاني


*****************************


ياغضب طُبّ هزه مجلسه
افه اليوصلك ابخسه
يافحل طب ديرة النسه

اسبعهم خوف محشه
من ايشوفك يتغشه

ما لگو بالكوفه ندّ الك
لا نسو كل سطره من هلك
علي گبلك هم لعب فلك

خيبر ردت بالكوفه
رد القالع وچفوفه

عز الله القروا تاريخك گالو معجزه
مُسلم ينذبح بس فنه اليذبح مُنجزه

اصرارك رباني .. هلا بحسين الثاني

*****************************


يا خشن ومدرب وجسر
ياترف وبمشيتك وقر
يا بحر مو سهله تنحزر

يمفصل منيا طينه
والما ينهان اتهينه

ياقفل باب الله يا سخي
ما ثبت گدامك الرخي

والما يعرف تدبيره
حظه يطيح وتقديره

گالو وحدك تتحاصر والكثره التعم
وانتَ الفارس اليتمشى على شوارب زلم

فوت ابظهرك هاني .. هلا بحسين الثاني

******************************


ياوفي بنص شحة الوفه
يانجم بالظلمه ماخفه
ياجرح بااكوفه ماشفه

موش ازلام الكتبولك
خيرهم فدوه لطولك

ياعنب ما لاحك القزم
مو غبي القرعته ونهزم
ماطحت ياكلمه النعم

موت وظل رافع راسك
اكبر شارب ومداسك

قيمتهم صفر گدامك وانتَ بگد علي
گلهم يا اهل يالخنث تنقاس ابهلي

معصومين اخواني .. هلا بحسين الثاني


******************************

كلمات : الشاعر محمد رسول الحميري