المشاهدات: 2395   المدة: 27:33   الدقة: عالية
التصنيف: صوتيات دينية   الكلمات الدلالية: محمد الجنامي، Zahraa Al obaidi
تعليق بواسطة ღ عِشق ღ
بين مسامرك والآه دمعة ودمعة تتغزل
حبيتك غصن ذبلان من تذبل تصير اجمل
دم ابچيلك ابـملگاك شبچيلك إذا ترحل
حُسين حُسين .. حُسين حُسين
1
يا اجمل نجوم الصبح .. تنزف عشگ من تنجرح .. ياقمة والعالم سفح .. ميت عدل أمير
من السمه نازل نده .. خد الورد متوسده .. من الضمه اعليك اعتده .. صار النهر اسير
أخر حلم .. فوگ النجم
رسمته رسمته
لا ينعرف .. لا ينحذف ..
تركته تركته
حته الألم .. بيك انصدم ..
جبرته جبرته
ياجرحي ويه جرح الماي
حد ماتنطوي الوسعه
لو ماطلعتك للموت
ماكو للشمس طلعه
قرآن الجمال ايموت لوما اسمك اترتل
2
مابين اعليك التعب .. لكن ترس عينك عتب .. ماتبرد ابگلبك لهب .. شايل عتب خيام
شفتك انيق ابطيحيتك .. حته الخيول الداستك.. ماغيرت من كشختك .. كشخة ضوه ابظلام
كشخة لوه .. ابوجه الهوه
لگيتك لگيتك
اجمل شعر .. يم الخدر
قريتك قريتك
بالمختصر .. باول نظر
هويتك هويتك
موضيف انتَ راعي الدار
چانت كربله ضيفك
انته البايع وشراي
حاكم تحكم ابكيفك
بالخنصر سبع مرات تگلبها إذا تزعل
3
يالمنحني وطوّلك عدل .. شفتـك متت شفتك عدل .. نفس الملامح والشكل .. هذا الأمر عجيب
شفتك طحت وتأكدت .. ثاري انتَ صاعد من طحت .. سابع سمه شفتك رحت .. لكن تضل قريب
صفنة سمه.. وصوت الدمه
نسمعه نسمعه
هزت ارض .. بس يافرض
نودعه نودعه
سهم اادهر .. من الظهر
تطلعه تطلعه
برموشك سحابة نار
وبصدرك ألف زمزم
مو صوت الألف سبعين
اسمع صمتك اتكلم
تشعر بالسهم خطار اهلاً گتـله وادلل
4
شفتك شمس تحت الشمس .. لا تلتفت لا تحترس .. من تحچي كلشي ينخرس .. سيد على الوجود
اول جبل ظهره انكسر .. اول عِطش يطفح نهر .. وامواجه وصلت للگمر .. سلّم على الزنـود
تمشي ابحذر .. يم النهر
شماته شماته
اليفگد اخو .. تصبح عدو
حياته حياته
بعد العذر .. لا تنتظر
خواته خواته
لازم ظهرك ابيديك
شفتك تمشي تتلوه
من عدهه وعرفت اشلون
عازه عازة الخوه
حگك تبچي عالعباس زينب بلخيم تسأل
................................................
كلمات الشاعر - السيد عبدالخالق المحنة