المشاهدات: 1092   المدة: 5:03   الدقة: عالية
التصنيف: صوتيات دينية   الكلمات الدلالية: حسين فيصل، Zahraa Al obaidi
تعليق بواسطة ღ عِشق ღ
حل وكت القصاص وثارهْ ابذمتي
وانتي لمذبحّة عاشور شاهدتي
يزينب سـولفي اشـصار
وآني مكلف ابثار

اخاف احچـيلك ومايحتمل صبرك
اخاف اتمـوت وانت الناس تنتظرك
ولا ادور عذر يلمهدي واعتذرك
بس خاف من اسولف ينكسر ظهرك
اخاف أحچي اعله نحره وينلچم نحرك
وسولف خبر صدره ويحترگ صدرك
ماريد ابمصيبة جدك اختبرك
ولا اريد الكلام ايـوصلك الگبرك

شفتها الخيل ساوت صدره وي ظهره
سمعت الشمر يشتم فاطمه الزهره
شعلوا بالخيم نار
وآني مكلف ابثار


شـحچيلك على الما عاف ضعن أخته
راح ايجيب ماي وبعد ماشفته
اجتني اخبار اخويه الخيل دايسته
اولحم بين الحوافر وزعوا جثته
كلفته اعله ماي اوصار فاتحتـه
يمهدي وريـت ميتة ولا مكلفته
اخويه الچان يحني الراس لو صحته
راسه اعله الرمح والطم امگابلته

صحت بسچ يزينب لا يحل موتي
اوماكو اچفوف يمي اتشـيل تـابوتي
واسمع هاي الاخبار
وآني مكلف ابثار

عـدنا الموت عاده وانته تدريها
من يطلـبها ربـها الروح ننطيها
لچن عمه المصيبه الخايفة احچيها
عمتك سوط أبن سفيان يسبيها
ذيچه الچـان بس الهـوى ايـمر بيها
تمشي اوحافية اعله الگاع رجليها
بس اوداعـتك رغم الجره اعليها
ماحلت شعـرها اوطاحت اعبيها

گلت زينب يعمه وداعة اعيونچ
لسبيهم سبي لحاولوا يسبونچ
واحطهم حطب للنار
وآني مكلف ابثار
___________________________
كلمات الشاعر المبدع: ناظم الحاشي

…