المشاهدات: 6703   المدة: 12:45   الدقة: عالية
التصنيف: صوتيات دينية   الكلمات الدلالية: مرتضى حرب، Zahraa Al obaidi
تعليق بواسطة ღ عِشق ღ
مثل مشية ابنيـاتك.. كون ابمشيتي اتعثر
كون اتحفه وامشيلك.. ومثل زينب انام ابـر
وأوگف بالشمس عمرين .. حد ما لوني يتغير
يبو الاكبر محبتك تاج .. وحگ لوعة علي الأكبر
تزغرني الذنوب اهواي .. واطول بخدمتك واكبر
ضگت زاد المواكب خير .. وبالساني الملح غزر

مشاية .. مشاية

امشي ابدربك امدلل .. شموخ الراية شايلها
ومثل ما اندل ابيتي .. هيچي ادروبك اندلها
هله من اتصيحلي الخدام .. أميل ودمعني اهملها
زينب من مشت للشام .. هله محد يگللها
ردت بيه الدروب اتميل .. مثل ميلة محاملها
واتمنى انضرب بسياط .. روحي الهضم كاتلها

مشاية .. مشاية

مثل خيرك ولا تگطع .. الهله من موكب الموكب
يجي المغرب وبية الناس .. اتضل اتچلبّ اتچلب
مثل ازيارة الشباچ .. امعزب يدفع معزب
خواتك يكض بيهن خوف .. من ايچلچل المغرب
اشگد امقصر انه وياك .. وشگد اعله روحي اعتب
كون ابوجهي يطبع لون .. من لون العبي المترب

مشاية .. مشاية

المشي ابدربك فريضة شوگ .. اقامتها اصبحت واجب
واحنا بدمنا عاهدناك .. ولزمنـالك الشارب
ازيارة گبرك ابكل عام .. نحييها ابدمع ساچب
ضريحك مدرسة ثوار .. يجيها الشاب والشايب
انته النه أبو يحسين .. ابـن عم وأخو وصاحب
مولاي الظهور اعليك .. ايميلن ميلة الحاجب

مشاية .. مشاية

مواكب خدمة الزوار .. توگف مثل اليقاتل
يگطعون الدرب حفاي .. تعبهم للجدم واصل
تتعب اچفوفها الخدام .. ابثـواب اچفوف ابوفاضل
يحسين العيون اعليك .. يعمن وانته تستاهل
كون اتسـودن ابحبك .. مااريدن اضل عاقل
صح اتگطعت يحسين .. بس نتـخيلك كامل

مشاية .. مشاية

الجداوه ابابك اتشيم .. جيت البابك امجدي
طلبتي اگضي العمر وياك .. ماريدن اضل وحدي
مشيني اويه مشـي النوگ .. وقوي اعله اللطم زندي
واريد ادموعي جمر اخيام .. منهن يحترگ خدي
يا ربح العمر يحسين .. غيرك كلشي ماعندي
المشي بدربك ورث مولاي .. من ولدي الولد ولدي

مشاية .. مشاية

كلمات الشاعر / مصطفى حرب