المشاهدات: 2634   المدة: 2:26   الدقة: متوسطة
التصنيف: أشعار وقصائد   الكلمات الدلالية: صباح الهلالي
تعليق بواسطة Samer
الريس ضحيه ..الشعب غلطانين
واحد اذه دولة؟؟شلون معقوله!!!
گلناله خضار وخير يتبع خير ..وعيونك اصحاح عيونّه الحوله
وانته المنتظر والشرف والتاريخ..صدگ وانفّخ وتحولت چوله
نفخنه شگد نفخنه شفاد وي ذولاك ..اقل شي عالاقل لا ننفخ بذوله
لاضد ذوله انه ولانه من ذولاك..بس خايف نعيد المهزله الاولى
لتسمونه ذيب الذيب ياكل ناس..رعيه انتم اله مو غنم تصفوله
عن الله بشبر بالوصف لتوصلوه..يتوحش علينه وينغر بطوله
ومو عالرايحه وعالجايه تصفگون..تره الگبله تسودن چي صفگتوله
احچوله الصدگ گلوله محتاجيك..انتخبتوه مو غصب هالمره گلوله؟؟
موترحوله فدوه لوگعدتو وياه..وبس يجفي عشر عبوات ترحوله
اذا منكم وبيكم ماكو داعي الخوف..حليم ويفتهمكم بس تلمحوله
التفزّع سلف مو الا صرخه بليل ..ابو الغيرة وشهم يفزع لهلهوله
وغنو لگاعكم تستاهل تغنون ..واذ نفذ وعد لاضير غنوله
على الي صار بينه واحتمال يصير ..
مامسؤل واحد!! كلهه مسؤولة!