المشاهدات: 1499   المدة: 11:10   الدقة: عالية
التصنيف: صوتيات دينية   الكلمات الدلالية: عمار الكناني، Zahraa Al obaidi
تعليق بواسطة ღ عِشق ღ
الرؤيا

أداء: الملا عمار الكناني
كلمات: الشاعر حسين طالب السماوي

مونتاج وتنفيذ: حارث العكيلي
مكساج الصوت : عباس الحواج

المجلس: جامع ذي الفقار- العراق - بغداد
محرم الحرام 1440 هـ


الكلمات
_______
انه ادري عندك علم
بالرؤيا تملك فهم
يايوسف ارد انشدك
هالليله بس عن حلم

حلمي تره من الزغر
بعيوني دوم ويمر
احجيلي عن رؤيتي
لتخلي كلبي يهم

................

انا ام الاربعه تمنيت اشوفك وانشدك عن مسائل
سنابل جن صفر خضار ابدليلي خذنه وهسه ذابل

ظعن شفته طلع بس شايل ابدور
وعلى ناكه مشت جن شورة النور
وشفت وردة بفت خاطرها مكسور
الورد عنها مشه وعيونها اتدور

ليش الورد ينلجم
لو مانفس بي يشم
فسرلي هذا الأمر
تفسيره كلش مهم

حلمي تره من الزغر
بعيوني دوم ويمر
احجيلي عن رؤيتي
لتخلي كلبي يهم

...............................

انام ولن شفت صور بس غريبه تجي دوم ابمنامي
شفت بالبر بحر ييوسف غريبه بحر بس شفته ضامي

بلكي وتمتلك تفسير بلواي
شايفلك بحر عطشان للماي
منو هذا البحر وشعنده وياي
يكلي انطيني كطره يبست اشفاي

ليش البحر مزدحم ... فوكا خيول وزلم
قسم اليضربه ابسهم .... وبحجر يضرب قسم

حلمي تره من الزغر
بعيوني دوم ويمر
احجيلي عن رؤيتي
لتخلي كلبي يهم

.....................

عبايه امتربه اشوف ابمنامي واموت من البواجي
تسولف عن جسد اعله خيمه ادور ادور عن تراجي

ليش وكامت اتحشم بالاجساد
وراوتهم أثر جويات ورماد
ييوسف هم دليلي من الحلم زاد
وانته اتفسر الاحلام معتاد

ماشفته حته ابرسم ... حرمه تلوذ ابجسم
لزمت اصبعه وبجت ... لن الصبع منثلم

حلمي تره من الزغر
بعيوني دوم ويمر
احجيلي عن رؤيتي
لتخلي كلبي يهم

.......................


انشدك عن كمر اشوفه ودليلي يدك دكه سريعه
الكمر وسط السمه ييوسف مكانه فلا فوك الشريعه

ليش ويالكمر مونجم موجود
جيران الكمر شو صارن ازنود
تره ابعيد الكمر ماتوصله احدود
اشعجب هذا الكمر ويلوحه عامود

راس الكمر منجسم .. بس بي ملامح عزم
خلص ضواها الشمس .. ومن نوره نزلت تلم

حلمي تره من الزغر
بعيوني دوم ويمر
احجيلي عن رؤيتي
لتخلي كلبي يهم

.............................

خلص كل الحلم ييوسف بقالي سؤال اب هالنهايه
شنو معنه الحبل وديوان وشماته وآيه آيه

انشدك يانبي ي مفسر الاحلام
شو دوم الجفن مايغفه وينام
اسمع صوت ينعه ابحركه والآم
يكول الشام آيا طبت الشام

وشفت العمر ينختم .. وعيوني بس عالنجم
ام البنين انعرف .. ما يبقه عندي اسم

حلمي تره من الزغر
بعيوني دوم ويمر
احجيلي عن رؤيتي
لتخلي كلبي يهم

......................


كلمات الشاعر حسين طالب السماوي

......................

تدوين Zahraa