اشتاق الي - عريان السيد خلف - (مع الكلمات) بواسطة Archi في 2019/1/19 (منذ 6 سنوات) تنزيل (3.6 MB) رابط قصيرg+ftاغلاق
المزيد من المقاطع بواسطة Archi
المشتاك يطفه ابماي عينه ويشتعل ابجروح اديه
ويضحك ابوجه الضنون ابغير كلبه ويبتشر والبيه بيه
اشتاكلي ,,
الماي يعثر عالجروف وداع صدفه ويعتني الهرش اليبس
مايعتنيه
اشتاكلي.,,
اليعثر ابظله ايموت صاحي
واليعيش بلايه وعيه ابغير ظل
الشوج من ينبت بسجه ايبات وبنادم يزل
اشتاكلي,,
اجروحي غلاتي
وعيبي صبري
ودفلتي السكته
ووحشتي بلايه هم
وحجتي الفشله التطشني تراب مايسواش لم
وهمي دنيه انبعت بيه ابغيرك انت
وشنهو معناه الجرح من غير دم
اشتاكلي,,
اتخضر اضنوني ابكاع صبخه
ويشبج ارموشه اعله طرواك الجفن
وتشرك اشموسي ابحضن ليلك نهار
ويحضن الغايب هوى الحاضر حضن
وتطفح البسمة اعله بال المبتلين
الماي يضحك من تشك صدره السفن
الماي يضحك من تشك صدره السفن...