المشاهدات: 726   المدة: 4:43   الدقة: عالية
التصنيف: صوتيات دينية   الكلمات الدلالية: محمد الحلفي، Zahraa Al obaidi
تعليق بواسطة ღ عِشق ღ
عطشان ارسمك نهر
ذبلان ارسمك مطر
ما اريد ارسمك نحر
يحسين يحسين

مرات گلبي يدگ بسمك واسمعه
ومرات عمري يتبده بعيني دمعه


هلگد ما ذبح بالطف سره أعليك
وسحگ وخيولهم لزمت سره أعليك
مثل ومضة برق گلبي سرع ليك
اركضت والريح مالحگت بيه

هنيالي كون وياك وبذيچ الايام
مو جندي لو بس خيط باطراف الخيام

منذور عمري فده لتراب جدمك
للموت مرتاح اروح آنه من اخدمك


بشرايين الگلب تفتر دم انته
وأنه ازغير دمع حزنك دمنته
تره العادوك ما دامو دم انته
علم وترفرف براس الثريه

بس گلي وين الگاه المثلك واعشگه
مو ثوبي صدري اعليك تسوى امن اشگه

ما صار ويصير مثلك حتى احبه
آيات قرآن بأسمك من اكتبه



درت نحرك على اخيامك توجها
تشوف النار شماتك توجها
الاميره البلخيم حزنك توجها
ولا طاحت الرايه الهاشميه

زينب مثل عباس هم قاتلتهم
يسبوها رادو عود لكن سبتهم

ماعاش والله من يوصل خدرها
عباس و أنته مصدر كل صبرها