المشاهدات: 3404   المدة: 10:39   الدقة: عالية
التصنيف: صوتيات دينية   الكلمات الدلالية: قحطان البديري، Zahraa Al obaidi
تعليق بواسطة ღ عِشق ღ
الله أكبر كبر بگلب المحب صوت النبض
واجب نلبي دعوته وبكربله نأدي الفرض
وعله الوعد شفنه البشر تطوي الدرب طول ابعرض
هذا اليجي بطي السمه وذاك اليجي بطي الأرض

من شدة انشغافه
ماهمته المسافه

شد عزمه من أم البنين

أذن آذان الأربعين​


حي على مزاره * قد قامت الزياره

حانت صلاة الزائرين * أذن آذان الأربعين



مو رايه بيميني شلت هذا الگلب بيدي يرف
يالجنتك فوگ العقل فوگ الشعر فوگ الوصف
ولنك عزيز الله وصرت عد ربنه جاهك مختلف
لو مات واحد بالدرب يخلقلك بداله الف

اسمحلي ارد انشدك
الله شگثر يودك ؟

والـ عند ذي العرش مكين

أذن آذان الأربعين



حي على مزاره * قد قامت الزياره

حانت صلاة الزائرين * أذن آذان الأربعين



الخلوا مواكب بالدرب خدام نحسبهم نعم
والواقع اهمه الساده والأملاك بخيمهم خدم
نصبوا غرف جنة عدن لا تعتقد نصبوا خيم
وزعوا كوثر للشرب واعله الشمس دگوا علم

ابعين البصيرة ناظر
كلشي التريده حاظر

وياهم الروح الأمين

أذن آذان الأربعين



حي على مزاره * قد قامت الزياره

حانت صلاة الزائرين * أذن آذان الأربعين



يازاير حسين ابتشر وبهاذي ربنه البشرك
فضل الزياره منحفظ ذخر وذخيره لمحشرك
او ياللي تحظره بكربله باچر يجيك ويحظرك
اويوم القيامه اعله الصراط ابنفسه هوه يعبرك

حسين الذي يريده
للجنة يلزم ايده

هذا جزاء المحسنين

أذن آذان الأربعين



حي على مزاره * قد قامت الزياره

حانت صلاة الزائرين * أذن آذان الأربعين



لوينكشف لك عن حقيقة كربله تشوف العجب
تشوف الرسل لزموا سره اوصف اعله إيوان الذهب
لو نفرض ابدرب المشي نتعب نعم يسوه التعب
يكفيني من زيارته إسمي ابدفتر الزهره انكتب

صك النجا بديه
واتوقعه الزچيه

گلبي عله مر السنين

أذن آذان الأربعين



حي على مزاره * قد قامت الزياره

حانت صلاة الزائرين * أذن آذان الأربعين

________________

كلمات الشاعر : الميرزا عادل اشكناني