المشاهدات: 6353   المدة: 24:47   الدقة: عالية
التصنيف: صوتيات دينية   الكلمات الدلالية: باسم الكربلائي، Zahraa Al obaidi
تعليق بواسطة ღ عِشق ღ
باسم الكربلائي
قصيدة : اطوي الارض
للشاعر : السيد عبدالخالق المحنه
ليالي محرم الحرام
ليلة 20 محرم 1446 هـ
: ديوان انصار الحسين (ع) البصرة - الجنينة
طور: خطة حرب


إطوي الأرض .. حان الفرض
سجل حضورك يم الخيام
عند الكفيل القائد العام
من يامدينه جيت مشاي
جم ليله صارت سفرتك هاي
حان الفرض

تلگاهم إباب الخيم كل الصحابه أو هاشم
راعي الكفاله إبدفتره هو اليسجل الوادم
إسمك يسجله أو يسألك من يا مدينه قادم
مشاي صنفك يا تره لو بالمواكب خادم
وفيت .. من جيت .. لحسين .. ضحيت
ينطي الرتب.. گًد التعب
بس بالنتيجه كلها خدام
يتضاعف أجرك عند الأكرام
انطي القليل او حصل إهواي
جم ليله صارت سفرتك هاي
حان الفرص

لا تكسر إبگلب الذي يتمنه تشرب مايه
إشرب أو إلعن حرمله أجرك يصير إهوايه
إشكر أبو الموكب إذا شفته ولو بحجايه
عايف هله وبس خدمتك هيه القصد والغايه
يرويك .. يحميك .. ويريد .. يرضيك
و اتدلًلوا .. و اتفضلوا
حته إذا برموشه غطاك
طبعه يگول إمقصر أوياك
ياريت أشوفك كل سنه جاي
جم ليله صارت سفرتك هاي
حان الفرص

كلها إخوتك بالدرب لتگول تمشي الوحدك
بين اليغسلك جدم بين اليجيك إيضمدك
شايب ركض يستقبلك حته إبمكانه إيگعدك
واحد يگول إبكل فخر هاليوم خادم عندك
إيثار .. أحرار .. خدام .. زوار
يبذل إلك .. كل ما ملك
طفله تگلك شرف الدار
وصاني بابا جيبي زوار
عن الشمس نوگفلك إفياي
جم ليله صارت سفرتك هاي
حان الفرض

لا تنطي فرصه للعدو منك يحصل إمراده
تتصيد إبماء العكر عدوانك الصياده
إنشر ثقافة مذهبك و انشر علوم الساده
واليوگع إركضله جنح و احميه من حساده
أنظار .. أشرار .. تشويه .. أفكار
يعني المهم .. ظل ملتزم
صلي إبوقتها و إلتزم زين
لتگلي يالله إنصلي بعدين
هذا الحجي ميقبله مولاي
جم ليله صارت سفرتك هاي
حان الفرض

للمعركه شد العزم والغيره شدها إحزامك
طبع الدرب يشتاگ الك يرتاح بس لجدامك
لو بالدرب جاسك تعب أو هاجت عليك آلامك
إتصور اضعون السبي أو زينب مشت گدامك
عالنوگ .. بالسوگ .. والصوت .. مخنوگ
وبـ هألم .. واسي الحرم
گلها يزينب شيعه وسيوف
كون إبوكتنه إتصير الطفوف
أركض مثل محروگ للماي
چم ليله صارت سفرتك هاي
حان الفرص

خل عينك إبعين الگمر وانسه الأهل واصحابك
واخفي جفوفك من تطب وادخل عليه بترابك
گله يمولاي إنچفه ماي الوجه يم بابك
عندي يبو الغيره طلب لكن شغلني إمصابك
طلاب ..عالباب .. ما اريد .. أتعاب
عطفك ردت .. گول إقبلت
أقسم عليك ابأم الحسين
خليني خادم عند الحسين
وإسألني وأمر واني وفاي
جم ليله صارت سفرتك هاي
حان الفرص

كلما تحس جدمك ثگل هالحاله فكر بيها
گول الخيم توها إسعرت خل أركض أو أطفيها
گول العقيله إبلا أخو راح الشمر ياذيها
گول اليتامه بالخطر لازم أصل وحميها
وتروح .. مجروح .. وتشوف .. مذبوح
خلك حذر .. لا تنغدر
دوس إعله جرحك واخسف الگاع
هاي المسيره إدوًر أسباع
بالك تبيع و صير شراي
جم ليله صارت سفرتك هاي
حان الفرص

بين الدفع مال أو نحر بين الدفع جفينه
لا تطن وصلت بالسهل هاي الشعائر لينه
إحرص عليها إبذمتك إخوه صدگ خلينه
خصمك يريد التفرقه من نفترق ياذينه
ويزيد .. شيريد .. منصير .. فد إيد
خلك أخو .. لا مو عدو
وابعث رساله أو علم الناس
گلهم أنا الرباني عباس
رش الدرب للتمشي حفاي
جم ليله صارت سفرتك هاي
حان الفرض