المشاهدات: 678   المدة: 13:21   الدقة: عالية
التصنيف: صوتيات دينية   الكلمات الدلالية: عمار الكناني، Zahraa Al obaidi
تعليق بواسطة ღ عِشق ღ
كون ابقى يا امير الماي
من ايدك هاي لإيدك هاي
يحبيبي يالوفاي

يبوفاضل يبوفاضل يبوفاضل
-

يعباس .. انت وحدك بالگلب معشوگي وهواي
يعباس .. لو نخيتك بالشدد ادري اتهد وراي
بعباس .. وامي نذرتني الك خادم من صباي

يامنتهى العطف .. يمحير الوصف
ضوگني من الطيبة البخيامك
بخدودي دمعتي .. مقدمها خدمتي
تقبلها وتبصملي بإبهامك
خل تهجرني كل الناس
المهم ابقى ويالعباس
امير الحب والاحساس

يبوفاضل
-


يعباس .. اسمحلي فدوه للخيم وياك اروح
يعباس .. للمكان البي بچت زينب ارد انوح
يعباس .. كلشي اخذوا مني بس خلولي الجروح

ياسلطان الخيم .. عينك على الخدم
وزعهم من گلبك حنيه
گومني لو طحت .. دليني لو تهت
حلفتك بدموع المسبيه
وداعت يسراك اويمناك
ما اسوى تراب بلياك
احچي ابزود چي بحماك

يبوفاضل
-

يعباس .. كون اظلن للضعن خادماً مطيع
يعباس .. حيلي شده للعزه بگماط الرضيع
يعباس .. سهم بعيونك لچن تلگاني من اضيع

ياشاطب الوهم .. يمعجز القلم
من جودك خجلانه كتاباتي
يالتجري بالنبض .. ترخصني للحفظ
بصورك غطيت ابنياتي

لا جاه ولا قيمه اجيت
انتَ براسي حظ سويت
انتَ ابوي وراعي البيت

يبوفاضل
-
يعباس .. دوم اريدنك تظل تعدلني من اميل
يعباس .. چلمة ادخيلك تغث وتعيشك ذليل
يعباس .. بس لذيذه لو گلت يخو زينب دخيل

يالما تجف نهر .. يالما غبت گمر
يوفائك يودادك يجمالك
علمني رأفتك .. ارزقني طاعتك
وابقى الطم وابچيلك واقرالك

ما دگن بيبان الغير
معيشني العباس بخير
بذكره افرن مثل الطير

يبوفاضل
-

يعباس .. سالفه ماعندي بس بيك الكلام
يعباس .. دوم اگولن بالصحن هنياله الحمام
يعباس .. باني عشه ابحضرتك وبفيك ينام

من گلبك الرحب .. رايد عشگ عذب
لف گلبي ولف روحي اعله الرايه
بچيني ما أمل .. عالناگهَ والحبل
وخل عمري من اقرايه اعله قرايه

كون الدمعه بعيني تفور
من عاشور لحد عاشور
كلها ظلام وانتَ النور

يبوفاضل
-
كلمات الشاعر - علي عويز الشويلي
تدوين - zahraa