أذان العشق | سيد سلام الحسيني | حُسينية غريب طوس (ع) بواسطة ❀ ♬ Ashk في 2024/7/2 (منذ 3 يوم) تنزيل (10.5 MB) رابط قصيرg+ftاغلاق
المزيد من المقاطع بواسطة ❀ ♬ Ashk
شايل الراية حبيب ايكبر
يابرير ويا زهير وياحر
عالخيم ادوا التحية وقفوا عند الحدود
حته اخت حسين تعرف بالحرب عدها اسود
بسم حسين وخالنتوكل حومة حبنه وعطشت دمنه
ابحبه وغيرة عباسه توكلنه وكلنه تحزمنه
حي على الحرب لاعداء الله نصرة للسبط من ال الله
بسم الله
كبروا بحب الحسين ادخيله
وبسم ابوه اتحزموا وبحيله
ياحسين انصيح حته يطمئن قلب الخيام
وياعلي بهالصرخة ترجف. گلوب اعداءه اللئام
بهذا اليوم نأدي الطاعه ونشكر كل افضاله اعلينه
ما صرنه انصاره ولانوصل لو ماهوه اليلطف بينه
نحن قربان لقربان الله وفداء نحن عن خدر الله
بسم الله
احنه منحرنه اعله حبنه الوقع
والحجي للسيف اثقل واوقع
مشتعل دمنه حمية. لحمى بنت البتول
مالحگنه امها ونصرنه هسه للزهره شنگول
هذا اليوم الناخذ ثاره نار الباب وضلع الزهره
بشري انگلها بنصرة ابنج انموت ومحد يوصل خدره
اهتفوا لبيك يا ثأر الله اقشعر الصرختك عرش الله
بسم الله
وعن حدود الخيم طاحوا صرعه
حته همه وموته بيهم فزعه
لمن حسين باسمهم. ناده وهمه مخذمين
اهتزت اجروح الحمية. وصاحوا ابشر ياحسين
الله اشحط بيهم من غيره وشحط من حب الواليهم
راحوا باعظم واجمل موته وبت الزهره التبچي اعليهم