المشاهدات: 3831   المدة: 11:35   الدقة: عالية
التصنيف: صوتيات دينية   الكلمات الدلالية: خضر عباس، Zahraa Al obaidi
تعليق بواسطة ღ عِشق ღ
صليت بموكب ما ينعد بالكوفه المستعمره
من هاي الالاف الضلو بس اني وهاي المره
صاحت ها يا مسلم ها وشوارب ما ترف
لو يشبه طوعه وانخاه لو مااريد العرف

عدهم فكرة كل حرب فخ
واني ابظهري قائد وأخ
شلت اذراعي للسما وطخ
جوه جناحي طائر الرخ

شفت الطاغي بيه مهتم
ومصنفيني بالحرب هم
زودي البيه جبته من عم
ذاك السيفه يرتوي بدم

الرب العادل والحاكم رتبنه بهل المنزله
غير احنه اهل البيت الاطهر للموقف ظمهم هله
قمبر خادم بس ما تلگاه ينقاس بألف
لو يشبه طوعه وانخاه لو مااريد العرف

سمعو بيه والحچي انفض
جيش وچنه سعفه ينخض
واليوصلني عضمه ينرض
يسلم مني اله بالحض

هاي اللحظه قررت أن
تحچي الكوفه أنه ابن من
بس الغشمه ما قرو عن
مسلم چن ابو الفضل چن

بالذر اختاريت الكوفه وهو أختار المشرعه
من اكبرنه لاكبر واحد يندل مصرعه
عدلين الموت وشفنا مو غشمه اعلى النزف
لو يشبه طوعه وانخاه لو مااريد العرف

واحد نيته چانت يهد
يفتحه درعه مره ويشد
گتله بگلبي رد ولك رد
وسئل عنه عمر ابن ود

بأول خطوه فكر وفر
شاف براسي عاصفة وحر
مصحف سيفي يطرد الشر
لابس خوذه من بده الذر

احنه القرآن اليجدد وحروف البسمله
خلينه التاريخ يسافر بين الحوفه وكربله
التاريخ الما عشناه ينداس وينتلف
لو يشبه طوعه وانخاه لو مااريد العرف

اني الجوه اسمي ينحط
من أعدائي ميت الف خط
والي الكوفه دخن ونط
گتله الكرسي ما يضل قط

هنته بقصره والحجر فز
ردت احساسه مره ينهز
من احچيلي كلمة ينبز
گلهم راسه هسه ينحز

هسه انت ابكيفك بس باچر انت وقصرك تنمحي
اليخجل من الله يعمر ويموت الما يستحي
دنيا وما دامت للمجرم والصلف
لو يشبه طوعه وانخاه لو مااريد العرف

دنيا وطلگتها يا لص
اجرع مرهه وانت التغص
احنه العتره واحنه النخص
يلما تسوه درهم ونص

اسمك قطره ضايع بشط
يم انجازي فشله تنحط
فوگ النجمه اسمي ينخط
ما يمحيني عسكرك قط

مرجانه الملعونه تخلف وابن الزهره اليبتلي
وادم لسه سطره بخدهم ومغزر بيهم علي
ابن الكافر ما ينسى چف الحمزه الصلف
لو يشبه طوعه وانخاه لو مااريد العرف

اسود وجهه كلمن يسد
بابه ويعتذرلي ويرد
البي غيره گبلك يهد
طعم الخوه ساعة الجد

تصدف زلمه موقفه يسر
من تحشمه يجرع المر
ما تنساهه بصمة الحر
موش ابن امه ذاك اليفر

ارجع يحيسن وروح امك ما تلگاها اليا هلا
مجتمعين لقتلي وقتلك وضحت عندي المسأله
كتبولك اقبل بس لا نيتهم تختلف
لو يشبه طوعه وانخاه لو مااريد العرف


للطيب محمد رسول الحميري