لعراق
قربان أقدم العمر يغدي العمر لعراق
وين ألگه مثله وطن متعدد الأعراق
تعداد جاب المجد من أعرق الاعَرَاقَ
رغم الوكت أطنان هم وتعب شيله
وجور هذا الزمن بعمامة حزن شيله
بالروح أحس بالنبض دايم يدب شيله
يستاهل أفدي عمر خل أتعب وأعرق
.........
رغم العوز بالعوز هد أبنك وعانه
ماغير چف أبنك نفض حملك وعانه
چفوف ألي كلت زادنا ونكرت وعانه
لا يغرك برق خداع معدنهم ودُرّهم
خيرهم ثمل بالعار ما ذكر وَدَرَهم
رخلصوا صار الفلس قميتهم ودرهم
ولو درهم چثير أعله خيرهم وعانه

للشاعر محمد طالب عودة

صح ناسك هواي ولو التموا يواسونك بس أيدي يبعد الروح تضل تعتازهة دمعة عيونك

سالوني عليه شمات
خنكه مستحي شحجي
راح أو معرف الاعذار
عيوني اتفسر المحجي
اشتكيت الكلبي كتله انساه
واحس مثل الطفل يبجي
هضمني واحس مني يذوب
اتاني اليل حتى ابجي
عمري ما درتله اكفاي
اكسره لو يدر ظهري
اشتكيت همومي للشمات
ماعندي صحب وشكي
اغمض بس يجيني بطيف
التعب اتجاوزه حدي
ونهاري صرت احسه ليل
واحس اخياله بين اهلي

هلي كبار النفس والجود شيمة الهم
صدور المجالس واهل ديوان شيملهم
الفهم عدهم من الرحمن شملهم
هزلين وكت الهزل وجدهم جدادي
معربين النسب واﻻصل واجدادي
نالو معالي الفخر قديم واجدادي
سيوف الملاكة هلي والزود شيمة الهم

ها حشدنه الشعبي شنهي احوالكم؟
كون قيطان واشد بسطالكم
المايحبكم هذا مو ابن الحلال
تشهد التفكه تره بسوح القتال
وهسه نمشي وعايشين بجالكم
ها حشدنه الشعبي شنهي احوالكم؟
ها حشدنه الشعبي راتب مانطوك؟
باكو أموال الشعب واتعذروك؟ ؟
انت اصلك من ذهب ماقدروك! !
ذوله جذابين موش إخوانكم! !
ها حشدنه الشعبي شنهي احوالكم؟
ها حشدنه الشعبي ما تكدر تنام؟ ؟
تبقى ع الساتر تحافظ ع النظام؟ ؟
راتب النواب والله أكبر حرام
لأن ماصفو النيه وياكم…

ياصاحبي بغيبتي شتسوي انا حاسبك
خرزات سبحة صرت وحساب انا حاسبك
يالي ضميرك علي مايوم هو حاسبك
والوكت بس وياي ماحكم حكمه عدل
واتمنى من دنيتي لويوم تفتر عدل
لورحت عني انتهي وشلون ايقه عدل
وأنه ألهوى والماي والدم والنبض حاسبك

من تـنجرح ياوطن جرحـك احـس بـيـنــــــــــــه
ماحـاجه اقسم الـك وثبـتـلـك ابـينـــــــــــــه
واجـب صبح هالامـر انـوضــحه ونـبـينـــــــــــه
ويبـين ابن الـوطـــن والمـنه جـريـــــــــــــــده
وينكر احسان النـخل والسعـف وجـريـــــــــــــــده
لعـلن عليهم حرب بكل صفحه وجـريـــــــــــــــده
واول جـريـده الخبر يـنشر بالبــينــــــــــــــه

الروح رادت وصلكم ي صاحب مالت ألكم ودكات الكلب صدك هوتكم مالت ألكم مثل سيل بنهر دمعت عيوني عيوني مالت ألكم بس أصبر وأصبر الكلب واجب علينا الصبر ادري بهواكم كلف بس ماألنه غير الصبر صابر يضل الكللب ما نفذ منه الصبر ميلو بهوانه جذب لأن روحي بهواها مالت ألكم

مشو عني الاحبهم
انعصر كلبي بدربهم
اموتـــن من بــــعدهم
يــــروحـــــي شـــلؤن بيـــةة
على الطول السفرهم
طفت عيني بصورهم
دعيت الله اليردهم
ويـــــردون الـــــيـــــة

طول ألعمر عايش بين ... صحبان
وعلينه ألكبر ياهلناس ... صحبان
مو هينه أبد لو عفت .... صحبان
حبهم أبگلبي أسنين وأقسم يعالم ...... قسم
وأبعث سلامي لجل كل فرد داخل ... قسم
سنة حياة أنعيش والزمن يقسم ........ قسم
بس أحنه مانفترگ رغم ألزمن ... صحبان
========================
ضياء ابو خالد ... واسط
========================