چذاب ما رايد تحب بس رايد تأذيني
والمُشكلة ادمنتك بعد
مثل الجكارة اتنفسك ارتاح وتأذيني
يالجنت احبك من صدك
هسة انت ما تعنيلي
هو انت هم مثل الوطن
انطيتة كلشي بلا عقل بس كُلشي ما منطيني
خليتني مثل الصدك ينزعل ع يحجيني
خليتني اصبع ندم معضوض
وأني المو سبب واللوم ما يجزيني
توهه الجگاره تورثت
خليتني اصفن وانتبه
بالگطف من يچويني
اتمنى ارجع من جنت ماريدك تلاگيني
اتمنى احبك يا بشر من دون متأذيني
وتگتلني وأنا بلا عقل
اشتاگلك مثل الطفل چن انت المربيني

واسكت واشتعل والكاك
بركاد النفس شهگه
واصبر الروح بالدخان
واجيك من الرماد ولايه محترگه

يسألني الاحبه اليوم عن حالي
عاينت وكتله بألم اني طيب خاطر
ويكلي مكدر للعشك كتله اني طيب خاطر
ويكلي روح ولا ترد
كتله اني مالي خاطر
كلي اتأخر يا ولد
كتله اني اصبر ناطر
كلالي وشلون الوكت
كتله اني اصبر ناطر
كلالي انطرني سنه
كتله انه صابر ناطر
كلالي اخاف من الوكت يكسر كليبك اترك
كتله اني من اول صغر جابوني مكسور الخاطر

ظاهر الزيداوي

اني انسان توجعني الذكريات اني انسان عايش بس كلبه مات انه الوفي لما وفوله وصار علج بحلك الشمات

لمن خاطري كسرت شفكرت ما اذكريت إيامنه ليش بيدك هدميت احلامنا رجعتنه ليورة والزمن كدامنه جنه ابمحبه وفرح والزعل احنه شجابنه

اكو واحد يحبلة وحدة بمنطقتهم ومن الطفولة بس ولا مرة صارحهة بمشاعرة الا ان اجة يوم وهاي البنية انخطبت لأبن عمهة فيكول هذا الولد:حلقتج وحبل المشنقة ثنينهن فرد العذاب الحلقة تخنك اصبع وحبل المشنقة يخنك ركاب وثنينهن تاليهن الموت لفاكد ولف يرهملة بس تابوت ولا يبقى ينتضر لما الة جية

إن كان دهرك سقاك من المرار اصبر
شيفيد لو كفخت فوق الوجان اصبر
قبلك وكم أرسلو لاهل القبور اصبر
راحوا و تذكيرهم بين الملا ما خفت
و المشتكي بيس من بعد الفراق و خفت
هودو نار الغضى تمسي و تصبح خفت
واعتصم بالله و على النايبات اصبر

تصادفنه بدرب بس خلصناها نضرات
استحيت احجي واكولن حيل مشتاك
سولفنه رمش برمش يتلاكه خجلان
وياخذني الخجل من لمعة شفاك
صعب كلش اشوفك وما احجي وياك
واغظ حتى النظر لو شفافي تتعداك
منقول

ماضل صديقا الي بس الجرح صاحبي
وگلبي صداه ينسمع يوم الحزن صاح بيه
من كل مكان انجرح ماضل كتر صاحي بيه
ومن انسأل على الوضع ردي يكن مايلي :
بالصحرا صرت انتظر يطلع نبع مايلي
وناسي العلي تنتچي صاحو علي مايلي
اي مايل انا لأن بس التعب صاحبي

ياروحي بطلي العتب خوة گبل ماترد
واليجفي ماينفع تره الصايح وراه ماترد
مثل اليموت اندفن روحه بعد ماترد
والظال على خوة گبل صافي ذهب معدنه
ولو عدو اهل الوفه اول معدنه
ومن نذكر الخوه الصدگ واحد اهو عندنه
عباس للخوه علم وخوته ماترد
بقلمي