دخان يتلاشه بهوه

مـن انـته تـصـعد للـسمه ، مـو انـته والـغـيمه سـوه

صح تعمي وتسد النَفَس ، صـح تـكبر بوجـه الضوه

لا تـنـظر لـنـفـسـك جـبل ، دخــان يـتـلاشـه بــهــوه

ومـو كلمن تـشلبه الجبل ، عـل قـمّـه ضـل وما هوه

دورات واحــد مـا صـعـد ، لـكـن مـــعـالـيـهـا حـــوه

ودورات واحـد عل قـمم ، لـمـن صــعـد لـنـه عــــوه

ومـو بالطعم دوم الحُكم ، مُـر الـطـعـم طـبعه الدوه

هــاي الـبـشـر ما تـنـقـري ، مـو بالـظـهـر والي انـزوه

مخفي الثمر تحت الگشر ، ومــرات بـالـبـاطـن نـــوه

نـار الـتـضوي بكل مـسـه ، يـكـرهـا مـن بـيـها انـكوه

للـمـاي نـركـض بالـحـرگ ، وچـم واحـد بماي انچوه

ومو اسمه ماي وينشرب ، مـن الـبـحـر ياهـو ارتــوه


ابو قاسم الملا