انغلق باب العتاب

خلصت صبري وبعد مني شتريد
وانغلق باب العتاب وكل كلام
تعب اجفوني السهر كافي عذاب
وتركت حزني وهمومي وارد انام
لا ترد ليه بعد وانسه السنين
لا تحاول تفتح سنين الغرام
سامحت حد ما جزع مني السماح
گلبي قرر انهي وياك السلام
من جفل گلبي انگطع خيط الوصال
عالبعد صمم تره وشد الحزام
والعقل يكبر اذا مر بصعاب
لا ابد ما مستعد ارجع غلام
ها تره من شالت ضعون الوداد
بگلبي ما يرجع الك ذاك المقام
خابت امالي بعد وذيچ الضنون
چنت اضنك من قبل مثل الحمام
شو صرت تالي نسر علي حماك
من صرت انته ووگع ريش الحرام
اني حبيت اللثام الي طلاك
من كبر شانك وگع ذاك اللثام
يا حسافه ويا حسافه شكد اكول
شفتك بوضعك خصالك بس ظلام
من كثر ذاك السهر طاحت جفون
احمل همومك چنت وانته تنام
حظي هذا الي تعب ويه اليخون
كل محاسن تعبي شو ردن سهام
اكتفي بهذا الحديث وبس اكول
يا وسف بيك التعب يطلع حرام


ابو قاسم الملا